ایم کیو ایم رابطہ کمیٹی کی نارتھ ناظم آباد بلاک ’’بی‘‘ میں ٹارگٹ کلنگ کے واقعے کی شدید الفاظ میں مذمت

کراچی ۔۔۔ 17؍ جون 2016ء

متحدہ قومی موومنٹ کی رابطہ کمیٹی نے نارتھ ناظم آباد بلاک ’’بی‘‘ میں ٹارگٹ کلنگ کے واقعے کی شدید الفاظ میں مذمت کی ہے۔ نارتھ ناظم آباد بلاک ’’بی‘‘ میں نامعلوم افراد کی جانب سے بوہری برادری سے تعلق رکھنے والے ادریس حسین اور حسین پر فائرنگ کی گئی جس کے بعد دونوں کو انتہائی تشویش ناک حالت میں عباسی شہید ہسپتال منتقل کردیا گیا جہاں ادریس حسین زخموں کی تاب نہ لاتے ہوئے جاح بحق ہوگئے جبکہ حسین کی حالت انتہائی تشویش ناک ہے۔ واقع کی اطلاع ملتے ہی حق پرست رکن سندھ اسمبلی جمال احمد، نامزد حق پرست چیئرمین ڈسٹرکٹ سینٹرل ریحان ہاشمی، حق پرست یوسی چیئرمین مظفر کاکا اور حق پرست یوسی ناظم نعیم الدین عباسی شہید ہسپتال پہنچ گئے جہاں انہوں نے زخمیوں کے اہل خانہ سے ملاقات کی انہیں حوصلہ دیا اور ساتھ ہی ڈاکٹروں کو بہتر سے بہتر انتظامات کرنے کی ہدایت کی۔