ایم کیوایم برطانیہ کے زیر اہتمام ہائیڈ پارک لندن میں سانحہ اورلینڈو کی یاد میں شمعیں روشن کی گئی

لندن۔۔ 16جون2016ء

امریکہ کے شہر اورلینڈو میں دہشت گردی کے افسوسناک واقعہ پر لندن کے ہائیڈ پارک میں ایم کیو ایم برطانیہ کے زیر اہتمام شمعیں روشن کی گئی اور زخمیوں کی جلد صحتیابی کے لئے دعائیں کی گئی۔ کینڈل لائٹ ویجل میں ایم کیوایم برطانیہ کے مختلف یونٹس سے تعلق رکھنے والے ذمہ داران و کارکنان ، خواتین ، بچوں سمیت مختلف شعبہ ہائے زندگی سے تعلق رکھنے والے برٹش پاکستانی کمیونٹی نے بڑی تعداد میں شرکت کی اور اورلینڈو میں فائرنگ سے جاں بحق ہونے والوں کے لواحقین سے اظہار یکجہتی کا اظہار کیا۔اس موقع پر شرکاء نے اورلینڈو میں ہونے والے دہشت گردی کے اس المناک واقعہ کی سخت مذمت کی اور کہا کہ اس طرح کے واقعات پوری دنیامیں مسلمانوں کی بدنامی کا باعث بن رہے ہیں ۔ مقررین نے کہا کہ انسانیت پر یقین رکھنے والا ہر فردسانحہ اورلینڈو پررنج و غم کا شکار ہے اور ایم کیو ایم کے قائد جناب الطاف حسین اور ایم کیو ایم کے تمام رہنما و کارکنان اور عوام دکھ کی اس گھڑی میں مقتولین کے لواحقین اور امریکی عوام کے غم میں برابر کے شریک ہیں۔