نئی نسل کو پاکستان کی اصل تاریخ کے بجائے جاگیرداروں، وڈٖیروں اور سرمایہ داروں کے مفادات سے ہم آہنگ جھوٹی اور بے بنیاد تاریخ پڑھائی جارہی ہے۔ بابر غوری

شکاگو ۔۔۔ 13، جون 2016ء

نئی نسل کو پاکستان کی اصل تاریخ کے بجائے جاگیرداروں، وڈٖیروں اور سرمایہ داروں کے مفادات سے ہم آہنگ جھوٹی اور بے بنیاد تاریخ پڑھائی جارہی ہے۔ ان خیالات کا اظہار ایم کیوا یم کی سینٹرل ایگزیکٹو کونسل کے رکن بابر خان غوری نے امریکی شہر لاس اینجلز میں ایم کیو ایم امریکہ پیسیفک زون کے زیر اہتمام اے پی ایم ایس او کے 38 ویں یوم تاسیس کے سلسلے میں منعقدہ دعوت افطار کے شرکاء سے خطاب کرتے ہوئے کیا۔ تقریب میں ایم کیوا یم امریکہ کی سینٹرل آرگنائزنگ کمیٹی ، ایم کیو ایم لاس اینجلز چیپٹر، لاس اینجلس، سان فرانسسکو اور سیکریمنٹو زونز کے ذمہ داران و کارکنان سمیت بڑی تعداد میں امریکی ریاست کیلیفورنیا میں مقیم پاکستانی کمیونٹی سے تعلق رکھنے والے مرد، خواتین، بزرگوں اور بچوں نے شرکت کی۔ تقریب کے شرکاء سے خطاب کرتے ہوئے رکن ایم کیو ایم سی ای سی بابر غوری نے کہا کہ نوجوان نسل خصوصاََ مہاجر نوجوانوں کیلئے یہ جاننا بہت ضروری ہے کہ قیام پاکستان سے قبل سے اے پی ایم ایس او کے قیام تک مہاجروں نے کیا کیا عظیم قربانیاں دی۔ انہوں نے کہا کہ آج کراچی میں مقامی حکومتوں کے انتخاب کو قریباََ آٹھ ماہ کا عرصہ گزر چکا ہے لیکن تاحال کراچی کے عوامی نمائندوں کو اختیارات دینے میں مسلسل ٹال مٹول سے کام لے رہے ہیں جوکہ کراچی کے عوام کی جانب سے عوامی نمائندوں کو دےئے جانے والے میڈیٹ کو تسلیم نہ کرنے کے مترادف ہے۔ انہوں نے کہا کہ ملک میں لسانی بنیادوں پر گزشتہ ساٹھ سالوں سے موجود چار صوبے عوامی مسائل حل کرنے میں بری طرح ناکام ہوچکے ہیں لہٰذا وقت کا تقاضہ ہے کہ پاکستان میں انتظامی بنیادوں پر مزید نئے صوبے بنائے جائے۔ شرکاء سے خطاب کرتے ہوئے ایم کیو ایم امریکہ کی سینٹرل آرگنائزنگ کمیٹی کے رکن عدنان نقوی نے کہا کہ اے پی ایم ایس او کا 38 واں یوم تاسیس مہاجر حقوق کی جدوجہد میں ایک سنگ میل ثابت ہوگا۔ انہوں نے کہا کہ کراچی میں جاری آپریشن کی جانب سے کالعدم جماعتوں کو چرم قربانی اور چندہ اکھٹا کرنے کی اجازت ہے مگر ایم کیو ایم اور خدمت خلق فاؤنڈیشن کی فلاحی سرگرمیوں اور زکوۃ، فطرات اور دیگر عطیات جمع کرنے پر پابندی ہے۔ انہوں نے شرکاء سے درخواست کی کے مہاجر شہداء کے لواحقین اور ضرورت مندوں کی امداد کے لئے خدمت خلق فاؤنڈیشن کو زیادہ سے زیادہ زکوۃ، فطرات، صدقات اور دیگر عطیات کو دیں تاکہ کے کے ایف کے تحت جاری تمام فلاحی اور امدادی سرگرمیوں کو جاری رکھا جاسکے۔