اے پی ایم ایس او کے 38 ویں یوم تاسیس کے حو الے سے ایم کیو ایم کینیڈا کے تمام چیپٹرز میں یوم تاسیس کی تقریبات کا اہتمام کیا جائے گا

کینیڈا ۔۔۔ 12؍ جون 2016ء

۱۱ جون اے پی ایم ایس او کے ۳۸ ویں یوم تاسیس کے حو الے سے ایم کیو ایم کینیڈا کے تمام چیپٹرز میں یوم تاسیس کی تقریبات کا اہتمام کیا جائے گا۔ ایم کیو ایم کینیڈا کے سینٹرل آرگنائزر آصف قاضی نے کہا کہ ۱۱ جون ۱۹۷۸ کو جامعہ کراچی سے شروع ہونے والی طلبہ تنظیم آج دنیا بھر میں پھیل چکی ہے اور اے پی ایم ایس او کو ایک اور یہ منفرد اعزاز حاصل ہے کہ پاکستاں کی تاریخ میں طلبہ تنظیم کے طور پر معرض وجود میں آنے والی یہ وہ واحد طلبہ تنظیم ہے جس سے پاکستان کی چوتھی اور سندھ کی دوسری بڑی سیاسی جماعت متحدہ قومی موومنٹ کا قیام عمل میں آیا۔۔ انہوں نے کہا کہ یہ سب کچھ اے پی ایم ایس او اور ایم کیو ایم کے قائد الطاف حسین کی قائدانہ صلاحیتوں کی وجہ سے ہی ممکن ہوا۔ آصف قاضی نے کہا کہ اے پی ایم ایس او کے یوم تاسیس کے موقع پر ہم سب تجدید عہد وفا کرتے ہیں کہ بُرے سے بُرے وقت میں بھی ہم قائد تحریک الطاف حسین بھائی کے وفادار تھے اور رہیں گے اور مرتے دم تک اپنے قائد کے فکر و فلسفے کو دُنیا کے کونے کونے تک پہنچانے کیلئے اپنا فرض انتہائی ذمہ داری کے ساتھ ادا کرتے رہیں گے۔ آخر میں تحریک کی راہ میں شہید ہونے والے تمام ساتھیوں اور ہمدردوں کے بلنددرجات اور قائد تحریک جناب الطاف حسین کی درازی عمر ، صحت وتندرستی اور ناگہانی آفات سے بچاؤ کیلئے خصوصی دعا بھی کی گئی۔