عظیم باکسرمحمدعلی کی وفات پر ایم کیوایم امریکہ کے وفدنے لوئزول میں واقع محمدعلی سینٹر کا دورہ کیا

عظیم باکسرمحمدعلی کی وفات پر ایم کیوایم امریکہ کے وفدنے لوئزول میں واقع محمدعلی سینٹر کا دورہ کیا
ایم کیوایم کے وفد نے محمدعلی سینٹرکے حکام سے ملاقات کرکے انہیں قائدتحریک کی جانب سے گلدستہ اورتعزیتی خط پیش کیا
وفد کے ارکان نے خصوصی طورپررکھی گئی تعزیتی کتاب میں اپنے تاثرات بھی تحریرکئے اورعظیم باکسر کوزبردست خراج عقیدت پیش کیا
محمدعلی کے انتقال سے دنیانہ صرف ایک لیجنڈ باکسر بلکہ انسانی حقوق کے ایک بڑے حامی سے محروم ہوگئی ہے ۔الطاف حسین کاتعزیتی خط 
واشنگٹن۔۔۔12جون 2016ء 
دنیاکے عظیم باکسرمحمدعلی کی وفات پرمتحدہ قومی موومنٹ امریکہ کے ایک وفدنے ندیم جاوید کی سربراہی میں امریکہ کی ریاست کینٹکی کے شہرلوئزول میں واقع ’’محمدعلی سینٹر ‘‘ کا دورہ کیا ۔ انہوں نے محمدعلی سینٹرکے حکام سے ملاقات کرکے انہیں قائدتحریک جناب الطاف حسین کی جانب سے گلدستہ اورتعزیتی خط پیش کیا ۔ وفدمیں شامل کارکنان اوریوتھ نے خصوصی طورپررکھی گئی تعزیتی کتاب میں اپنے تاثرات بھی تحریرکئے اور محمدعلی مرحوم کوزبردست خراج عقیدت پیش کیا ۔ دریں اثناء قائدتحریک جناب الطاف حسین نے اپنے اس تعزیتی خط میں عظیم باکسر محمدعلی مرحوم کے اہل خانہ اوراحباب سے دلی تعزیت کا اظہار کیا ۔ انہوں نے محمدعلی مرحوم کوزبردست خراج عقیدت پیش کرتے ہوئے کہاکہ محمدعلی کے انتقال سے دنیانہ صرف ایک لیجنڈ باکسر سے محروم ہوگئی ہے بلکہ انسانی حقوق اورشہری آزادیوں کے ایک بڑے حامی سے بھی محروم ہوگئی ہے ۔ محمدعلی مرحوم کی جرات وہمت، عزم اورثابت قدمی دنیا کو مستقل اور دیرپاجلابخشتی رہے گی۔انہوں نے دعاکی کہ اللہ تعالیٰ محمدعلی مرحوم کوجنت الفردوس میں جگہ دے اوران کے اہل خانہ کویہ عظیم نقصان برداشت کرنے کاحوصلہ اورصبرعطاکرے۔