متحدہ قومی موومنٹ کی رابطہ کمیٹی کے ارکان کمال ملک ، محمد اظہار خان اور محفوظ یار خان کا عباسی شہید اسپتال کا دورہ

کراچی :10؍ جون 2016ء 

متحدہ قومی موومنٹ کی رابطہ کمیٹی کے ارکان کمال ملک اور محمد اظہار خان اور محفوظ یار خان نے جمعہ کے روز عباسی شہیدہسپتال کا دورہ کرکے نارتھ ناظم آبامیں واقع مسجد عثمان کی چھت کا حصہ گرنے کے نتیجے میں زخمی ہونے والے افراد کی عیادت کی اور قائد تحریک جناب الطاف حسین کی جانب سے خیریت دریافت کی اور جلد اور مکمل حتیابی کیلئے دعا بھی کی ۔اس موقع پر ان کے ہمراہ ایم کیوا یم کے ذمہ داران و کارکنان ،ایم کیو ایم میڈیکل ایڈ کمیٹی کے کارکنان کے علاوہ نومنتخب حق پرست امیدواران بھی ان کے ہمراہ موجود تھے ۔ رابطہ کمیٹی کے ارکان کمال ملک اور محمد اظہار خان نے ہسپتال میں موجود زخمی ہونے والے افراد کے اہلخانہ سے ملاقات کرکے انہیں تسلی دی ۔ اس موقع پر رابطہ کمیٹی کے ارکان نے ہسپتال کے ڈاکٹر اور پیرا میڈیکل اسٹاف سے ملاقات کرکے انہیں ہدایت دی کہ وہ زخمیوں کے علاج معالجے میں کسی قسم کی کوئی کثر باقی نہ رکھیں اور زخمیوں فوری صحتیابی کیلئے خصوصی توجہ دی جائے ۔