نارتھ ناظم آباد میں مسجد کے چھت گرنے کے نتیجے میں متعدد نمازیوں کے شہیدوزخمی ہونے پرالطاف حسین کااظہارافسوس
لندن۔۔۔10، جون2016ء
متحدہ قومی موومنٹ کے قائد جناب الطاف حسین نے نارتھ ناظم آبادمیں واقع مسجد کی چھت گرنے کے نتیجے میں متعدد نمازیوں کے شہید وزخمی ہونے پر گہرے دکھ اور افسوس کا اظہار کیا ہے ۔ ایک بیان میں جناب الطاف حسین نے جاں بحق ہونے والے افراد کے سوگوارلواحقین سے دلی تعزیت وہمدردی کااظہار کرتے ہوئے کہاکہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابرکے شریک ہیں۔ جناب الطاف حسین نے دعا کی کہ اللہ تعالیٰ جاں بحق افراد کے درجات بلند فرمائے ، انہیں جنت الفردوس میں اعلیٰ مقام عطا کرے اور سوگوارلواحقین کو یہ صدمہ برداشت کرنے کا حوصلہ دے ۔ انہوں نے حادثے میں زخمی ہونے والے نمازیوں کی جلدومکمل صحت یابی کیلئے بھی دعا کی ۔