ایم کیوایم کے سینئر رہنماڈاکٹرفاروق ستارکے گھرکے محاصرے کے خلاف آج شام ساڑھے چاربجےکراچی پریس کلب پراحتجاجی مظاہرہ کیاجائیگا

کراچی ۔۔۔ 8 جون 2016ء

متحدہ قومی موومنٹ کی رابطہ کمیٹی کے سینئرڈپٹی کنوینراورقومی اسمبلی میں پارٹی کے پالیمانی لیڈرڈاکٹرفاروق ستارکے گھرکے محاصرے کے خلاف ایم کیوایم کے منتخب نمائندے آج شام ساڑھے چاربجے کراچی پریس کلب پراحتجاجی مظاہرہ کریں گے۔ مظاہرے میں ایم کیوایم کے سینیٹرز، ارکان قومی وصوبائی اسمبلی، یوسی چیئرمین، وائس چیرمین اورکونسلرزشرکت کریں گے۔اس بات کافیصلہ آج رابطہ کمیٹی اورمنتخب نمائندوں کے مشترکہ اجلاس میں کیاگیا۔ اجلاس میں ڈاکٹرفاروق ستارکے گھرکے محاصرے اورایم کیوایم کے کارکنوں کی مسلسل گرفتاریوں اورایم کیوایم کے خلاف کی جانے والی کارروائیوں کاجائزہ لیاگیااور ان کی شدیدمذمت کی گئی ۔ اجلاس میں فیصلہ کیاگیاکہ ان مظالم کے خلاف ہرسطح پر آوازبلند کی جائے گی۔