ایم کیو ایم رابطہ کمیٹی کی لائنز ایریا میں حق پرست امیدوار فیصل رفیق کی کامیابی کے بعد سے حقیقی دہشتگردوں کی جانب سے ایم کیوا یم کے ذمہ داران، کارکنان و ہمدردوں دھمکیاں دینے کی شدید الفاظ میں مذمت

کراچی ۔۔۔ 03، جون 2016ء 

متحدہ قومی موومنٹ کی رابطہ کمیٹی نے سندھ اسمبلی کے حلقے پی ایس 115 میں اپریل میں ہونے والے ضمنی انتخابات میں ایم کیو ایم کے حق پرست امیدوار فیصل رفیق کی ضمنی انتخابات میں کامیابی کے بعد سے لائنز ایریا میں جرائم پیشہ حقیقی دہشت گردوں کی جانب سے دہشت گردی، غنڈہ گردی، کارکنان پر تشدد اور ایم کیوا یم کے کارکنان کے اہلخانہ اور ہمدردوں کو مسلسل دھمکیاں دینے کی شدید الفاظ میں مذمت کی ہے۔ انہوں نے کہا کہ نومنتخب حق پرست بلدیاتی کونسلرز اور ایم کیو ایم کے کارکنان پر تشدد کی کاروائیوں کا سلسلہ جاری ہے اور وفاداریاں تبدیل کرنے کے لئے دباؤ ڈالا جارہا ہے اور نہ ماننے کی صورت میں کارکنان کو جان سے مارنے کی دھمکیاں بھی دی جارہی ہیں۔ انہوں نے کہا کہ حقیقی دہشتگردوں کی جانب سے ایم کیو ایم لائنز ایریا ٹاؤن کی یوسی آفیسز 09، 10 اور 11 کے مختلف علاقوں میں ایم کیو یم کے ذمہ داران، کارکنان، نومنتخب حق پرست بلدیاتی نمائندگان اور ہمدردوں پر مسلسل تشدد کیا جارہا ہے۔ انہوں نے کہا کہ گزشتہ دنوں حقیقی دہشت گردوں کی جانب سے لائنز ایریا میں واقع ایم کیو ایم کے یوسی آفس میں توڑپھوڑ کے بعد نذر آتش کردیا گیا تھا۔ایم کیو ایم رابطہ کمیٹی نے وزیر اعظم پاکستان میاں محمد نواز شریف، وفاقی وزیر داخلہ شوہدری نثار علی خان، زیر اعلیٰ سندھ سید قائم علی شاہ، صوبائی وزیر داخلہ انور سیال سمیت تمام متعلقہ حکام سے مطالبہ کیا کہ لائنزایریا میں ایم کیوا یم کے کارکنان، نومنتخب بلدیاتی نمائندگان اور ہمدردوں کو دھمکیاں دینے والے حقیقی دہشتگردوں کو جلد از جلف گرفتار کرکے قانون کے مطابق سزا دی جائے۔