ایم کیوایم گھوٹکی زون کے زیراہتمام زونل آفس سے پریس کلب تک احتجاجی ریلی کا انعقاد
گھوٹکی ۔۔۔یکم جون 2016ء
متحدہ قومی موومنٹ گھوٹکی زون کے زیر اہتمام گھوٹکی زونل آفس سے پریس کلب تک احتجاجی ریلی کا انعقاد کیا گیا ، ریلی میں رکن سندھ تنظیمی کمیٹی ، زون کمیٹی ،کارکنان و ہمدروں اور حق پر ست عوام نے شرکت کی ، گھوٹکی پریس کلب پر ریلی کے شرکاء سے اظہار خیال کرتے ہوئے سندھ تنظیمی کمیٹی کے رکن محمد اسلم بھٹو نے کہا کہ ایم کیو ایم کے سابقہ سیکٹر انچارج ندیم احمد قاضی سمیت ایم کیوایم کے سیکڑوں بے گناہ کارکنان کو بازیاب کرایا جائے ،انہوں نے کہا کہ ایم کیو ایم ایک سمندر ہے اس میں سے چند ڈول اگر نکال دیئے جائیں تو سمندر پر کوئی فرق نہیں پڑتا ۔ اسٹیبلشمنٹ 1992 والا فلاپ ڈرامہ از سر نو نشر کرنے کی نا کام کوشش کررہی ہے ،حق پر ست عوام نے پہلے بھی مسترد کیا تھا اور آج بھی مسترد کرتے ہیں ۔ اسٹیبلشمنٹ کا ہر وار عوام اپنے اتحاد اور قائد تحریک پر بھرپور اعتماد کے ذریعے ناکام بنا یں گے ۔اس میں کوئی شک و شبہ نہیں کہ آج پاکستان کے 98 فیصد غریب اور محکوم عوام کا اگر کوئی قائد ہے تو وہ صرف قا ئد تحریک جناب الطاف حسین ہیں ریلی کے شرکاء نے قائد تحریک کے حق میں پرزور نعرے لگائے جس کے بعد ریلی اختتام پذیر ہوئی ۔