رینجرزنے ایم کیوایم حیدرآبادکی زونل کمیٹی کے ارکان سیدسہیل مشہدی، رفیق اجمیری اورراحیل فہیمکوان کے گھروں پر چھاپے مارکرگرفتارکرلیا
رینجرز نے اے پی ایم ایس او کے سیکٹرانچارج علی رضا وکیل کے گھرپر بھی چھاپہ مارا تاہم ان کےنہ ملنے پر ان کے والد محمدوکیل کو حراست میں لے لیا
رینجرزنے گرونگرکے علاقے میں اے پی ایم ایس او کے سابق سیکٹرممبر عامرخانزادہ کے گھرپر بھی چھاپہ مارا
رینجرزنے حالی روڈکے علاقے میں ایم کیوایم کے کارکنوں کے نعیم چھیپا اورشبیرگدی کے گھروں پربھی چھاپے مارے
رینجرزنے ایم کیوایم کے رہنماؤں اورکارکنوں کے گھروں پربغیرکسی وارنٹ کے چھاپے مارے
سہیل مشہدی، رفیق اجمیری اورراحیل فہم کوگرفتاری کے بعدنامعلوم مقام پر منتقل کردیاگیا ہے
حیدرآباد ۔۔۔ 15 مئی 2016ء
کراچی کے بعد رینجرزنے حیدرآبادمیں بھی ایم کیوایم کے رہنماؤں اورکارکنوں کی گرفتاریاں شروع کردیں ہیں۔ ہفتہ اوراتوارکی درمیانی شب ایم کیوایم حیدرآبادکی زونل کمیٹی کے ارکان سیدسہیل مشہدی، رفیق اجمیری اورراحیل فہیم کوان کے گھروں پر چھاپے مارکرگرفتارکرلیا۔ سہیل مشہدی کوصدیق پلازہ، یونٹ نمبر8لطیف، رفیق اجمیری کوحیدرآبادکے علاقے ریشم بازار اورراحیل فہیم کولطیف آبادنمبر9میں ان کے گھروں سے گرفتارکیاگیا۔ اسی طرح رینجرز نے چیتل چاڑی کے علاقے میں اے پی ایم ایس او کے سیکٹرانچارج علی رضا وکیل کے گھرپر بھی چھاپہ مارا تاہم ان کے نہ ملنے پر ان کے والد محمدوکیل کو حراست میں لے لیا۔رینجرزنے گرونگرکے علاقے میں اے پی ایم ایس او کے سابق سیکٹرممبر عامرخانزادہ کے گھرپر بھی چھاپہ مارا۔ وہ اپنے گھرپر نہ ملے تورینجرز نے ان کے بھائی کے گھرپربھی چھاپہ مارا۔ رینجرزنے حالی روڈکے علاقے میں ایم کیوایم کے کارکنوں کے نعیم چھیپا اورشبیرگدی کے گھروں پربھی چھاپے مارے۔رینجرزنے ایم کیوایم کے رہنماؤں اورکارکنوں کے گھروں پربغیرکسی وارنٹ کے چھاپے مارے ۔ زونل کمیٹی کے ارکان سیدسہیل مشہدی، رفیق اجمیری اورراحیل فہیم کوگرفتاری کے بعدنامعلوم مقام پر منتقل کردیاگیا ہے۔