رابطہ کمیٹی کے ارکان عارف خان ایڈووکیٹ،ارشد حسن اورزاہدمنصوری کاحق پرست عوامی نمائندوں،ایم کیوایم کے ذمہ داران اورشعبہ جات کے ارکان کے ہمراہ مزارقائداورشاہراہ قائدین کا دورہ
ایم کیوایم کے تحت جمعرات12مئی سہ پہر3بجے مزارقائدکے سامنے منعقدہ اجتماع کے سلسلے میں تیاریوں کاجائزہ لیااورتیاروں کوحتمی شکل دی
کراچی :۔۔۔ 11؍ مئی 2016ء
متحدہ قومی موومنٹ کی رابطہ کمیٹی کے ارکان ارشد حسن عارف خان ایڈووکیٹ،زاہدمنصوری نے سینٹرل ایگزیکٹوکونسل کے انچارج واراکین،حق پرست اراکین اسمبلی،یوسی اور ٹاؤن کے عہدیداران اورایم کیوایم کے مختلف ونگزوشعبہ جات کے ارکان کے ہمراہ مزارقائدسے متصل شاہراہ قائدین کادورہ کیااور ایم کیوایم کے تحت مزارقائدکے سامنے منعقدہ اجتماع کے سلسلے میں تیاریوں کاجائزہ لیا۔واضح رہے کہ کل مورخہ12مئی بروزجمعرات متحدہ قومی موومنٹ کے تحت جیلوں میں اسیر اور لاپتہ کارکنان کی بازیابی و رہائی، حق پرست شہدا کے قاتلوں کی گرفتاری اورسوگوار لواحقین کوانصاف کی فراہمی اور ان سے اظہار یکجہتی کیلئے شاہراہ قائدین اورمزار قائدسے منسلک نمائش چورنگی گیٹ کے سامنے اجتماع ہوگاجس میں اسیرولاپتہ کارکنان کے اہل خانہ اورشہداء کے لواحقین مزار قائدپرحاضری دینگے اوراپنے پیاروں کی یادمیں شمعیں روشن کرکے ارباب اختیارواقتدارسے اپنے پیاروں کی باحفاظت رہائی کے لئے فریاد کریں گے۔