پاکستانی نژاد صادق خان کولندن کامیئرمنتخب ہونے پرایم کیوایم کے کنوینرندیم نصرت کی زبردست مبارکباد

لندن ۔۔۔ 7 مئی 2016ء

متحدہ قومی موومنٹ کے کنوینرندیم نصرت نے پاکستانی نژاد صادق خان کولندن کامیئرمنتخب ہونے پر زبردست مبارکبادپیش کی ہے ۔ اپنے ایک بیان میں انہوں نے کہاکہ یہ برطانیہ کی تاریخ میں پہلی مرتبہ ہے کہ ایک پاکستانی نژادمسلمان لندن کامیئرمنتخب ہواہے اورلندن کے مسلم اور غیرمسلم سمیت تمام شہریوں نے صادق خان کوکامیاب بناکر نسل پرستانہ سوچ وفکرکومستر دکردیاہے اوراس بات کوثابت کردیاہے کہ لندن کے شہری نسل پرستی یامذہبی منافرت پر یقین نہیں رکھتے بلکہ صرف اورصرف میرٹ اورصلاحیت پریقین رکھتے ہیں۔ ندیم نصرت نے کہاکہ برطانیہ کی تاریخ میں پہلی مرتبہ ایک پاکستانی نژادمسلمان کے میئرمنتخب ہونے سے آج ہرمہاجریہ سوال کررہاہے کہ ایک سیاہ فام بارک اوباما امریکہ کاصدرہوسکتاہے، ایک پاکستانی نژادمسلمان لندن کامیئرہوسکتاہے لیکن کیاوجہ ہے کہ ایک مہاجر سندھ کاوزیراعلیٰ نہیں ہوسکتا؟انہوں نے کہاکہ اس نفرت اورتعصب کاخاتمہ کئے بغیرپاکستان ترقی نہیں کرسکتا۔