مورو میں احتجاجی دھرنے کے شرکاء پر بلاجواز فائرنگ کا واقعہ قابل مذمت ہے ، الطاف حسین
پرامن جمہوری احتجاج کرنا ہرشہری کاآئینی، قانونی اور جمہوری حق ہے، الطا ف حسین
فا ئرنگ کے نتیجے میں جسقم کے کارکن ارشد چنا کی شہادت پراظہار افسوس
لندن۔۔۔6،مئی2016ء
جناب الطاف حسین نے مورو میں احتجاجی دھرنے کے شرکاء پر بلاجواز فائرنگ کے واقعہ کی شدیدالفاظ میں مذمت کی ہے ۔ ایک بیان میں جناب الطاف حسین نے کہاکہ اپنے جائز مطالبات کے لئے پرامن جمہوری احتجاج کرنا ہرشہری کاآئینی، قانونی اور جمہوری حق ہے اور طاقت کے ذریعہ شہریوں کے پرامن احتجاج کو دبانے کا عمل سراسر غیرمنصفانہ ہے ۔ جناب الطاف حسین نے مورو میں احتجاجی دھرنے کے شرکاء پرفا ئرنگ کے نتیجے میں جسقم کے کارکن ارشد چنا کی شہادت پر گہرے دکھ اور افسوس کا اظہارکیااور انکے بلند درجات کیلئے دعا بھی کی ۔