سینئر قانون داں بیرسٹر اعتزازاحسن کی جانب سے ایم کیوایم کے قائد پرمیڈیامیں عائدپابندیکی مذمت پرایم کیوایم کے کنوینرندیم نصرت کازبردست خراج تحسین
بیرسٹراعتزازاحسن نے جرات اظہارکامظاہرہ کرتے ہوئے یہ واضح کردیاہے کہ ایم کیوایم کے قائدپرلگائی گئی پابندی
نہ صرف غیرجمہوری وغیراخلاقی ہے بلکہ آئین پاکستان کی بھی صریحاًخلاف ورزی ہے۔ندیم نصرت
امیدہے دیگراصول پرست ودیانتدارسیاستداں بھی جھو ٹ کوجھوٹ اورظلم کوظلم کہیں گے۔ ندیم نصرت
لندن ۔۔۔ 26 اپریل 2016ء
متحدہ قومی موومنٹ کی رابطہ کمیٹی کے کنوینرندیم نصرت نے سینیٹ میں اپوزیشن لیڈر اور سینئر قانون داں بیرسٹرچوہدری اعتزازاحسن کی جانب سے قائدتحریک الطاف حسین پر میڈیامیں عائدپابندی کی مذمت پرانہیں زبردست خراج تحسین پیش کیاہے۔ ندیم نصرت نے کہاکہ بیرسٹراعتزازاحسن نے جرات اظہارکامظاہرہ کرتے ہوئے یہ واضح کردیاہے کہ قائدتحریک الطاف حسین پرلگائی گئی پابندی نہ صرف غیرجمہوری وغیراخلاقی ہے بلکہ آئین پاکستان کے آرٹیکل 19کی بھی صریحاًخلاف ورزی ہے اورلاہورہائیکورٹ کایہ اقدام قطعی غیرقانونی ہے۔ ندیم نصرت نے کہاکہ بیرسٹراعتزازاحسن نے جس جرات کااظہارکیاہے اس پر میں انہیں مہاجروں سمیت ملک کے کروڑوں مظلوم عوام کی جانب سے زبردست خراج تحسین پیش کرتاہوں اورمجھے امیدہے کہ ملک کے دیگراصول پرست ودیانتدارسیاستداں بھی بیرسٹراعتزازاحسن کی پیروی کرتے ہوئے جھو ٹ کوجھوٹ اورظلم کوظلم کہیں گے۔