اے پی ایم ایس او کی مرکزی کابینہ نے بعض اخبارات میں اے پی ایم ایس او کے کارکنان کے حوالے شائع ہونے والی جھوٹی اور بے بنیاد خبروں کی سختی سے تردید کی ہے

کراچی ۔۔۔ 19؍ اپریل 2016ء

آل پاکستان متحدہ اسٹوڈنٹس آرگنائزیشن کی مرکزی کابینہ نے بعض اخبارات میں اے پی ایم ایس او کے کارکنان کے حوالے شائع ہونے والی جھوٹی اور بے بنیاد خبروں کی سختی سے تردید کرتے ہوئے کہا کہ اے پی ایم ایس او کا کوئی کارکن لڑکیوں کی فلمیں بنا کر انہیں بلیک میل کے عمل میں شامل نہیں ہیں۔ انہوں نے کہا کہ بعض اخبارات میں جن افراد کو اے پی ایم ایس او کا کارکن ظاہر کیا گیا ہے ان میں کسی کا بھی اے پی ایم ایس او کے کسی یونٹ یا سکیٹر سے کوئی تعلق نہیں ہے۔ انہوں نے کہا کہ اس قسم کے گھناؤنے الزام میں اے پی ایم ایس او کے طلبہ کو ملوث کرنا سراسر زیادتی ہے۔ انہوں نے کہا کہ بعض اخبارات کی جانب میں اے پی ایم ایس او سے منسلک بے بنیاد خبروں کے اشاعت اے پی ایم ایس او کی ساکھ کو نقصان پہنچانے کی سازش ہے۔ مرکزی کابینہ نے اپنے بیان میں کہا کہ جن اخبارات نے صحافتی اقدار کو پس پشت ڈالتے ہوئے بغیر تحقیق اے پی ایم ایس او کے خلاف خبریں شائع کی ہے وہ ان خبروں کی تردید واضح انداز میں شائع کریں بصورت دیگر اے پی ایم ایس او ایسے اخبارات کے خلاف قانونی چارہ جوئی کا حق رکھتی ہے۔