ایم کیوایم کے شہید چیئرمین عظیم احمدطارق شہید کے صاحبزادے عامر طارق کے ایصال ثواب کیلئے ایم کیوایم کے انٹرنیشنل سیکریٹریٹ میں فاتحہ خوانی

لندن ۔۔۔ 19 اپریل 2016ء

ایم کیوایم کے شہید چیئرمین عظیم احمدطارق شہید کے بڑے صاحبزادے عامرطارق،جن کاامریکہ کے شہرہیوسٹن میں ایک ٹریفک حادثے میں انتقال ہوگیا ہے، ان کے ایصال ثواب کے لئے آج لندن میں ایم کیوایم کے انٹرنیشنل سیکریٹریٹ میں فاتحہ خوانی کی گئی ۔ جس میں ایم کیوایم کے کنوینر ندیم نصرت، دیگر اراکین رابطہ کمیٹی، انٹرنیشنل سیکریٹریٹ کے مختلف شعبوں میں خدمات انجام دینے والے کارکنان اورخواتین کارکنوں نے شرکت کی جبکہ قائدتحریک جناب الطاف حسین ٹیلیفون کے ذریعے فاتحہ خوانی میں شریک ہوئے۔ اس موقع پر عامر طارق، چیئرمین عظیم احمدطارق شہید، ڈاکٹرعمران فاروق شہیداورتحریک کے تمام شہیدکارکنوں کے درجات کی بلندی، تحریک کی بقاء و سلامتی، اسکے خلاف کی جانے والی سازشوں کی ناکامی کے لئے خصوصی دعاکی گئی۔