ایم کیو ایم رابطہ کمیٹی کی پکا قلعہ حیدرآباد کے بعض علاقوں میں حیسکو کی جانب سے بجلی منقطع کرنے کی شدید الفاظ میں مذمت
شدید گرمی میں بجلی منقطع کیا جانا غیر انسانی عمل ہے۔ رابطہ کمیٹی
بجلی منقطع ہونے سے مریضوں ، عمر رسیدہ افراد، خواتین ،بچوں سمیت ہزاروں افراد شدید مشکلات کا شکار ہیں۔
ایم کیو ایم کے منتخب عوامی نمائندوں کی درخواستوں کے باوجود حیسکو کے اعلیٰ حکام شدید گرمی میں عوام کو پہنچنے والی تکالیف کو
مسلسل نظر انداز کر رہے ہیں ۔
واجبات کی ادائیگی کے حوالے سے اگر کوئی تنازعہ ہے تو اسے علاقے کے معززین کی باہمی مشاورت سے حل کیا جاسکتا ہے۔
پکا قلعہ حیدرآباد کے جن علاقوں کی بجلی منقطع کی گئی ہے وہاں بجلی فوری طور پر بحال کی جائے۔ رابطہ کمیٹی
لندن۔۔15اپریل2015ء
متحدہ قومی موومنٹ کی رابطہ کمیٹی نے پکا قلعہ حیدرآباد کے بعض علاقوں میں حیسکو کی جانب سے بجلی منقطع کرنے کی شدید الفاظ میں مذمت کی ہے۔ شدید گرمی میں بجلی منقطع کیا جانا غیر انسانی عمل ہے۔اپنے ایک بیان میں رابطہ کمیٹی نے کہا کہ شدید گرمی کے اس موسم میں حیسکو حکام کی جانب سے پکا قلعہ حیدرآباد کے بعض علاقوں کی بجلی منقطع کیا جانا ایک غیر انسانی عمل ہے۔ رابطہ کمیٹی نے کہا کہ تقریباً ڈھائی ہزار سے زائد مکانات کی بجلی منقطع ہونے سے مریضوں ، عمر رسیدہ افراد، خواتین ،بچوں سمیت ہزاروں افراد شدید مشکلات کا شکار ہیں۔ ایم کیو ایم کے منتخب عوامی نمائندوں کی جانب سے بار بار کی جانے والی درخواستوں کے باوجود حیسکو کے اعلیٰ حکام شدید گرمی میں عوام کو پہنچنے والی تکالیف کو مسلسل نظر انداز کر رہے ہیں ۔حیسکو حکام کی ہٹ دھرمی سے علاقے کے عوام میں شد ید اشتعال پایا جاتا ہے۔ رابطہ کمیٹی نے کہا کہ واجبات کی ادائیگی کے حوالے سے اگر کوئی تنازعہ ہے تو اسے علاقے کے معززین کی باہمی مشاورت سے حل کیا جاسکتا ہے۔رابطہ کمیٹی نے حیسکو کے اعلیٰ حکام سے مطالبہ کیا کہ پکا قلعہ حیدرآباد کے جن علاقوں کی بجلی منقطع کی گئی ہے وہاں کی بجلی فوری طور پر بحال کی جائے تاکہ شدید گرمی کے موسم میں عوام کو پہنچنے والی تکالیف کم ہوسکیں۔