حیدر آباد میں 100سال پرانے کالی موری کالج کو یورنیورسٹی کا درجہ دینے کی پیش کی گئی قرارداد متفقہ طور پر سندھ اسمبلی سے منظور

کراچی ۔۔۔۔14ُٓاپریل2016 ء

حق پرست رکن صو بائی اسمبلی انجینئر صا بر حسین قائم خانی کی جانب سے حیدر آباد میں 100سال پرانے گورنمنٹ پوسٹ گریجویٹ کالج کالی موری کو یورنیورسٹی کا درجہ دینے کی قرارداد سندھ اسمبلی میں متفقہ طور پر منظور کرلی گئی۔حق پرست رکن سندھ اسمبلی انجینئر صا بر حسین قائم خانی کی جانب سے سندھ اسمبلی کے اجلاس میں پیش کردہ قرارداد میں کہا گیا کہ حیدر آباد میں ایک میڈیکل کالج ہے جو کہ جامشورو منتقل کر دیا گیا ہے جو حیدر آباد کی عوام کے ساتھ ظلم و زیادتی اور نا انصافی ہے جبکہ حیدر آباد سندھ کا دوسرا بڑا اور تاریخی شہر ہونے کے باوجود یونیورسٹی سے محروم ہے اس سلسلے میں ایم کیوایم بھی پچھلے کئی سالوں سے حیدرآباد میںیورنیورسٹی کے قیام کے لئے مطالبہ کرتی رہی ہے۔اس موقع پر انجینئر صا بر حسین قائم خانی نے کہا کہ گو رنمنٹ پوسٹ گریجویٹ کالج کالی موری کی تاریخی حیثیت کو مدنظر رکھتے ہوئے کالج کو یونیورسٹی کا درجہ دینے کے ساتھ ساتھ اسکی صد سالہ تقریبات کو صوبائی سطح پر شایانِ شان طریقے سے منایا جاناچاہیئے ۔