تعلیمی اداروں میں خودسوزی کا بڑھتا ہوا رحجان خطرناک ہے ہمدرد یونیورسٹی کے طالبعلم عبد الباسط کی خودسوزی انتہائی افسوسناک ہے۔ سرفراز احمد صدیقی

کراچی۔۔۔11اپر یل 2016ء 

آل پاکستان متحدہ اسٹوڈنٹس آرگنائزیشن کے چیئرمین سرفراز احمد صدیقی کا اپنے ایک بیان میں کہا کہ تعلیمی اداروں میں خودسوزی کا بڑھتا ہوا رحجان خطرناک ہے ہمدرد یونیورسٹی کے طالبعلم عبدالباسط کی خود سوزی انتہائی افسوسناک ہے گزشتہ دنوں گورنمنٹ ڈگری گرلز کالج کی طالبہ ثاقبہ کا کڑ نے تعلیم سے محروم کئے جانے پر دلبراشتہ ہوکر خودسوزی کر لی تھی اور کچھ عرصے قبل اسی جامعہ ہمدرد میں انجینئرنگ کے طالبعلم مجیب احمد نے بھی انتظامیہ کے ناروا سلوک کے باعث خودسوزوی کی تھی،گزشتہ روزخودسوزی کرنے والا طالبعلم عبدالباسط فائنل ایئربی ڈی ایس کا طالبعلم تھا ۔چیئرمین اے پی ایم ایس او سرفراز احمد صدیقی کا ارباب اختیار سے مطالبہ کرتے ہوئے کہنا تھا کہ ان تمام سانحات کی فوری طور مکمل اور شفاف تحقیقات کی جائے اور اگر ان خودسوزیوں کے پیچھے کسی بھی قسم کا کوئی یونیورسٹی انتظامیہ کا کوئی دباؤ ہے تو اس کے خلاف سخت سے سخت کاروائی کی جائے۔