ایم کیوایم ملیر کے ٹاؤن آرگنائزر اور کورنگی ڈسٹرکٹ کونسل کی مخصوص نشستوں کیلئے ایم کیوایم کے امیدوار سید نیر رضا کو گھر سے گرفتار کرلیا گیا
سید نیر رضا کے خلاف کوئی مقدمہ نہیں ہے اور وہ ایک سیاسی کارکن کی حیثیت سے اپنی ذمہ داریاں انجام دے رہے تھے
سید نیر رضا ایک اچھی شہرت کے حامل شخص ہیں اور کورنگی کی ڈسٹرکٹ کونسل میں لیبر کی مخصوص نشست پر ایم کیوایم کے امیدوار بھی تھے
رینجرز نے پیر اور منگل کی درمیانی شب سید نیر رضا کو جناح اسکوائر ملیرکالونی میں ان کے گھرپر چھاپہ مارکر گرفتار کرلیا
سید نیر رضا کے گھروالوں کونہ توگرفتاری کی کوئی وجہ بتائی گئی ہے اور انہیں نامعلوم مقام پر منتقل کردیا گیا ہے
سیرنیر رضا کی گرفتاری سے صاف ظاہر ہے کہ آپریشن صرف اور صرف ایم کیوایم کے خلاف کیا جارہا ہے۔ رابطہ کمیٹی
جن کے نام مختلف جے آئی ٹیز میں ہیں وہ تو کھلے عام پریس کانفرنسیں کررہے ہیں اور ایم کیوایم کے معصوم وبے گناہ کارکنوں، عہدیداروں اور منتخب نمائندوں کو گرفتار کیا جارہا ہے۔ رابطہ کمیٹی
سید نیر رضا کوفی الفور رہا کیا جائے اور ایم کیوایم کے کارکنوں،عہدیداروں کی گرفتاریوں کاسلسلہ بند کیا جائے ۔ رابطہ کمیٹی
کراچی ۔۔۔ 12 اپریل 2016ء
متحدہ قومی موومنٹ کی رابطہ کمیٹی نے ایم کیوایم ملیرٹاؤن کے ٹاؤن آرگنائزراورکورنگی ڈسٹرکٹ کونسل کی مخصوص نشستوں کے لئے ایم کیوایم کے امیدوار سید نیر رضاکی گرفتاری کی شدیدمذمت کی ہے ۔اپنے ایک بیان میں رابطہ کمیٹی نے کہاکہ سیدنیررضاکے خلاف کوئی مقدمہ نہیں ہے اوروہ ایک سیاسی کارکن کی حیثیت سے اپنی ذمہ داریاں انجام دے رہے تھے ۔ وہ علاقے میں ایک اچھی شہرت کے حامل شخص ہیں اور بلدیاتی انتخابات میں وہ کورنگی کی ڈسٹرکٹ کونسل میں لیبرکی مخصوص نشست پر ایم کیوایم کے امیدواربھی تھے کہ رینجرز نے پیراورمنگل کی درمیانی شب سید نیر رضا کو جناح اسکوائر ملیرکالونی میں ان کے گھرپر چھاپہ مار کر گرفتار کرلیا۔ ان کے گھر والوں کو نہ توگرفتاری کی کوئی وجہ بتائی گئی ہے اورانہیں نامعلوم مقام پر منتقل کردیاگیاہے۔ رابطہ کمیٹی نے کہاکہ جس تسلسل کے ساتھ روزانہ ایم کیوایم کے ذمہ داروں،کارکنوں کوگرفتارکیاجارہاہے اس سے صاف ظاہرہے کہ آپریشن صرف اورصرف ایم کیوایم کے خلاف کیا جارہا ہے۔رابطہ کمیٹی نے مزیدکہاکہ جن کے خلاف سنگین سنگین مقدمات قائم ہیں، جن کے نام مختلف جے آئی ٹیز میں ہیں وہ توکھلے عام پریس کانفرنسیں کررہے ہیں اورایم کیوایم کے معصوم وبے گناہ کارکنوں،عہدیداروں اورمنتخب نمائندوں کو گرفتار کیا جارہا ہے ۔ رابطہ کمیٹی نے مطالبہ کیا کہ سید نیر رضا کو فی الفور رہا کیا جائے اور ایم کیوایم کے کارکنوں،عہدیداروں کی گرفتاریوں کاسلسلہ بند کیا جائے۔