ایم کیو ایم رابطہ کمیٹی کا پکا قلعہ حیدرآباد کی دیوار کا ایک حصہ گرنے کے باعث متعدد شہریوں کے زخمی ہونے پر اظہار افسوس
حکومت سندھ پکا قلعے حیدرآباد کی مرمت کیلئے فوری اقدامات کریں تاکہ مزید کسی جانی و مالی نقصان سے بچا جاسکے۔ رابطہ کمیٹی
پکا قلعہ حیدرآباد کی دیوار کا ایک حصہ گرنے سے زخمی ہونے والے افراد کی جلد و مکمل صحتیابی کیلئے دعا کی
کراچی ۔۔۔ 11؍ اپریل 2016ء
متحدہ قومی موومنٹ کی رابطہ کمیٹی نے حیدرآباد کے پکا قلعہ کی دیوار کا ایک حصہ گرنے کے باعث متعدد شہریوں کے زخمی ہونے پر افسوس کا اظہار کیاہے۔ انہوں نے کہا کہ حیدرآباد کا پکا قلعہ ایک تاریخی ورثہ ہے اور اس کی دیکھ بھال کرنا حکومت سندھ کی ذمہ داری ہے لہٰذا حکومت سندھ حیدرآباد پکا قلعہ کی مرمت کیلئے فوری اقدامات کریں تاکہ اس قومی و تاریخی ورثے کو محفوظ بنائے جانے کے ساتھ ساتھ مزید کسی جانی و مالی نقصان سے بچا جاسکے۔ رابطہ کمیٹی نے پکا قلعہ حیدرآباد کی دیوار کا ایک حصہ گرنے سے زخمی ہونے والے افراد کی جلد و مکمل صحتیابی کیلئے دعا کی۔