این اے 245 پر کمال ملک اور سندھ اسمبلی کے حلقہ پی ایس 115 پر ضمنی انتخابات میں کامیابی پرفیصل رفیق کو قائدتحریک الطاف حسین کی مبارکباد
لندن ۔۔۔ 7 اپریل 2016ء
متحدہ قومی موومنٹ کے قائدجناب الطاف حسین نے محمد کمال کو قومی اسمبلی کے حلقہ این اے 245 اور فیصل رفیق کوسندھ اسمبلی کے حلقہ پی ایس 115 پر ہونے والے ضمنی انتخابات میں کامیابی کی مبارکباد پیش کی ہے ۔وہ جمعرات کی شب ایم کیوایم کے مرکرزنائن زیرو عزیزآباد اور حیدرآباد میں زونل آفس پر مبارکبادکیلئے جمع ہونے والے کارکنوں اور ہمدرد نوجوانوں، بزرگوں اورخواتین سے خطاب کر رہے تھے ۔انہوں نے نومنتخب امیدواروں محمد کمال اور فیصل رفیق کوتلقین کرتے ہوئے کہاکہ آپ اپنے حلقے کے تمام عوام کی بلاامتیاز خدمت کرنا، غریبوں، ضرورتمندوں، مسائل کاشکارلوگوں کے لئے اپنے گھرکے دروازے کھلے رکھنا، عوام سے جھک کرملنا،غروروگھمنڈمیں مبتلانہ ہونا اورعوام کے مسائل کے حل کے لئے حتی المقدور کوشش کرنا ۔