رابطہ کمیٹی کی رینجرز کے ہاتھوں ایم کیوایم کے چارکارکنان کی گرفتاریوں کی شدیدمذمت

کراچی۔ 7 اپریل 2016ء

متحدہ قومی موومنٹ کی رابطہ کمیٹی نے جمعرات کو رینجرز کے ہاتھوں ایم کیوایم کے چارکارکنان کی گرفتاریوں کی شدیدمذمت کی ہے ۔اپنے ایک بیان میں رابطہ کمیٹی نے کہاکہ بروز جمعرات رینجرز کے اہلکاروں نے ایم کیو ایم کے چار کارکنان کو شہر کے مختلف علاقوں سے بلاجواز گرفتار کر کے نامعلوم مقام پر منتقل کردیا ہے۔ رابطہ کمیٹی نے گرفتاریوں کی تفصیلات بتاتے ہوئے کہا کہ رینجرز کے اہلکاروں نے ایم کیو ایم لیبر ڈویژن کے ڈی اے یونٹ کے انچارج نوید انور ولد خورشید انور صدیقی کو ان کی رہائش گاہ گلشن بلاک 2سے گرفتار کرکے نامعلوم مقام پر منتقل کردیا۔ اسی طرح رینجرز کے اہلکاروں نے یوسی 15لانڈھی ٹاؤن کے کارکن ٹیپو سلطان ولد محمد سلیم اعوان، یوسی28اورنگی ٹاؤن کے کارکن شمشیر علی خان ولد شیر علی خان او یوسی 7لیاقت آباد ٹاؤن کے کارکن محمد ذیشان ولد رشید احمد کو شہر کے مختلف علاقوں سے گرفتار کرکے نامعلوم مقام پر منتقل کردیا ہے۔رابطہ کمیٹی نے غیر قانونی گرفتاریوں کی شدید مذمت کرتے ہوئے کہا کہ ایم کیو ایم کے کارکنان کو بلاجواز گرفتار کر کے جعلی مقدمات میں ملوث کیا جارہا ہے۔رابطہ کمیٹی نے انسانی حقوق کی تنظیموں سے اپیل کی کہ وہ ایم کیو ایم کے کارکنان کی غیر قانونی گرفتاریوں کے خلاف آواز بلند کریں۔