رابطہ کمیٹی کے رکن قمر منصور کے بھائی مسعود احمد صدیقی کی گرفتاری قابل مذمت ہے۔ رابطہ کمیٹی ایم کیوایم

کراچی ۔۔۔ 6 اپریل 2016ء

متحدہ قومی موومنٹ کی رابطہ کمیٹی نے رابطہ کمیٹی کے رکن قمرمنصورکے چھوٹے بھائی مسعوداحمدصدیقی کی گرفتاری کی شدیدالفاظ میں مذمت کی ہے ۔رابطہ کمیٹی نے کہاکہ مسعوداحمدصدیقی ایک زمانے میں ایم کیوایم کے کارکن تھے لیکن ایک طویل عرصہ سے وہ نجی زندگی گزاررہے تھے۔دوسال قبل مسعوداحمدصدیقی کی اہلیہ کاانتقال بھی ہواجس سے وہ شدیدصدمہ کاشکارہوئے ۔آج کل وہ اپنی علیل والدہ کی تیمارداری میں مصروف تھے ۔ آج انہیں ناظم آبادکے علاقے سے رینجرزنے گرفتارکرلیااورنامعلوم مقام پر منتقل کردیاہے۔رابطہ کمیٹی نے کہاکہ چندماہ قبل قمرمنصور کو گرفتارکرکے انہیں سرکاری حراست میں ذہنی وجسمانی اذیتیں دی گئی تھیں ا وراب قمرمنصورکے چھوٹے بھائی مسعوداحمدصدیقی کوگرفتارکرلیا گیا ہے جو سراسر ظلم ہے ۔رابطہ کمیٹی نے کہاکہ روزانہ شہربھرسے ایم کیوایم کے کارکنوں کوگرفتارکیاجارہاہے۔مسعودصدیقی کے علاوہ رینجرزنے ایم کیوایم لیبرڈویژن کے پی ٹی یونٹ کے کارکن نادرولد داؤد کومنوڑہ سے گرفتار کرلیا ۔ اسی طرح لیاری ٹاؤن یوسی 17 سے تعلق رکھنے والے کارکن مشتاق آرائیں کوگرفتارکرلیاگیا۔ رینجرز نے لانڈھی ٹاؤ ن یوسی 21کے تین کارکنوں کو گرفتار کیا جن میں شمریزخان،محمودعالم اورعمران قریشی شامل ہیں ۔رابطہ کمیٹی نے کہاکہ ایم کیوایم کے کارکنوں کی روزانہ تسلسل کے ساتھ کی جانے والی گرفتاریاں اس حقیقت کاواضح ثبوت ہے کہ کراچی میں آپریشن صرف اورصرف ایم کیوایم کے خلاف کیا جارہا ہے۔ رابطہ کمیٹی نے مطالبہ کیاکہ ایم کیوایم کے بے گناہ کارکنوں کی گرفتاریوں کاسلسلہ بند کیاجائے اور گرفتارشدگان کوفی الفوررہاکیاجائے ۔ رابطہ کمیٹی نے انسانی حقوق کی تنظیموں سے اپیل کی کہ وہ کراچی میں انسانی حقوق کی خلاف ورذیوں کانوٹس لیں اوراس کے خلاف آوازبلندکریں۔