لائنزایریامیں حقیقی دہشت گرد ایم کیوایم کے کارکنوں اورووٹرزکوتشددکانشانہ بنارہے ہیں۔فیصل رفیق

کراچی ۔۔۔ 5 اپریل 2016ء

سندھ اسمبلی کے حلقہ PS - 115 سے ایم کیوایم کے نامزدامیدوارفیصل رفیق نے الیکشن کمیشن کے ریٹرننگ افسر کولیٹرلکھاہے جس میں انہوں نے شکایت کی ہے کہ حقیقی دہشت گردوں کی جانب سے لائنزایریاکے کئی علاقوں میں انہیں اپنی انتخابی مہم چلانے نہیں دی جارہی ہے ،ان شرپسندوں نے یوسی 9 قصائی چوک مین بازارجٹ لائن ،موچی گراؤنڈ 100کوارٹر بھنگی پاڑہ کو ایم کیوایم کے کارکنوں کے لئے نوگوایریابنایاہواہے اورانہیں تشددکانشانہ بنایاجارہا ہے۔ انہوں نے مطالبہ کیاکہ ایم کیوایم کے کارکنوں، ہمدردوں اورووٹرزکوتحفظ فراہم کیاجائے اورحقیقی دہشت گردوں کے خلاف کارروائی کی جائے تاکہ ووٹرز آزادانہ ماحول میں ووٹ ڈال سکیں۔ فیصل رفیق نے اس خط کی کاپی آئی جی سندھ، ایس ایس پی ڈسٹرکٹ ایسٹ، ڈی جی رینجرز، چیف الیکشن کمشنر کوبھی بھیجی گئی ہیں۔