ایم کیو ایم رابطہ کمیٹی کا خیبر پختونخوا میں سیلاب سے ہونے والے جانی و مالی نقصان پر گہرے دکھ اور افسوس کا اظہار
خیبرپختونخوا حکومت کی جانب سے سیلاب سے قبل حفاظتی اقدامات نہ کئے جانے پر تشویش کا اظہار
متاثرین کی جلد از جلد مدد کے لئے فوری طبی امداد اور خوراک مہیا کی جائے۔ ایم کیو ایم رابطہ کمیٹی
کراچی ۔۔۔ 03؍ اپریل 2016 ء
متحدہ قومی موومنٹ کی رابطہ کمیٹی نے خیبر پختونخوا میں سیلاب سے ہونے والے جانی و مالی نقصان پر گہرے دکھ اور افسوس کا اظہارکیا۔ خیبرپختونخوا حکومت کی ناقص کارکردگی پرگہری تشویش کا اظہار کرتے ہوئے انہوں نے کہا کہ سیلاب سے قبل خیبرپختونخوا حکومت کی جانب سے حفاظتی اقدامات نہ کئے جانے کی وجہ سے اتنی بڑی تعداد میں قیمتی جانوں کا ضیاع ہوا۔ ایم کیو ایم رابطہ کمیٹی نے حکام بالا سے مطالبہ کیا کہ متاثرین کی جلد از جلد مدد کے لئے فوری اقدامات کئے جائے اور متاثرین کو فوری طبی امداد اور خوراک مہیا کی جائے۔ اپنے ایک بیان میں جاں بحق ہونے افراد کے لواحقین سے دلی تعزیت اور ہمدردی کا اظہا ر کرتے ہوئے دعا کی اللہ تعالی مرحومین کو جنت الفردوس میں اعلیٰ مقام اور لواحقین کو صبر جمیل عطا کرے۔