پی ٹی آئی کی جانب سے الزامات ،مارپیٹ اورگندی زبان کااستعمال سراسر غلط ہے۔الطاف حسین

لندن۔۔۔3، اپریل2016ء

متحدہ قومی موومنٹ کے قائدجناب الطا ف حسین نے کہاہے کہ سیاست کرنااورالیکشن میں حصہ لیناسب کاحق ہے لیکن سب کوتہذیب وشائستگی اورآداب کا خیال رکھناچاہیے،پی ٹی آئی کی جانب سے الزامات ،مارپیٹ اورگندی زبان کااستعمال سراسر غلط ہے۔انہوں نے یہ بات آج قومی اسمبلی کے حلقہ این اے 245 پر ہونے والے ضمنی انتخابات کے سلسلے میں نارتھ ناظم آبادمیں قائم ایم کیوایم کے الیکشن کیمپ پر کارکنوں سے گفتگو کرتے ہوئے کہی۔ جناب الطاف حسین نے گزشتہ روز کے شانداراجتماع کے انعقادپر کارکنوں،ماؤں،بہنوں،بزرگوں، نوجوانوں اوربچوں کومبارکبادپیش کی ۔ انہوں نے کہاکہ ایم کیوایم کے اجتماعات میں ماؤں بہنوں کی بہت بڑی تعدادکی شرکت اس بات کاثبوت ہے کہ خواتین ایم کیوایم کے ساتھ ہیں ۔ان کی اس بات پر کیمپ پرموجود خواتین نے زوردارنعرے لگائے ۔اس پرجناب الطاف حسین نے کہاکہ خواتین کے پرجوش نعرے اس بات کاثبوت ہیں کہ این اے 245کی خواتین کسی طرح خوفزدہ نہیں بلکہ ان کے حوصلے چٹان کی طرح مضبوط اوربلند ہیں۔ انہوں نے گزشتہ روز ایم کیوایم کی ریلی پر پی ٹی آئی کے شرپسند وں کے حملے کی مذمت کرتے ہوئے کہاکہ سیاست کرنااورالیکشن میں حصہ لیناسب کاحق ہے لیکن سب کوتہذیب وشائستگی اورآداب کا خیال رکھناچاہیے،پی ٹی آئی کی جانب سے الزامات ،مارپیٹ اورگندی زبان کااستعمال سراسر غلط ہے۔جناب الطاف حسین نے کارکنوں اور خواتین سے کہاکہ وہ گھرگھررابطے کریں اوراپنے پیغام کوپھیلائیں اوراسی طرح محنت ولگن سے کام کریں۔