نارتھ ناظم آباداورلائنزایریا میں ضمنی انتخابات کے سلسلے میں منعقدہ ایم کیوایم کے اجتماعات میں چادرفنڈ

لندن۔۔۔2، اپریل2016ء

ہفتہ کی شب نارتھ ناظم آباداورلائنزایریا میں ضمنی انتخابات کے سلسلے میں منعقدہ اجتماعات سے بیک وقت خطاب کے موقع پر ایم کیوایم کے قائدجناب الطا ف حسین نے مردوخواتین کارکنوں سے کہاکہ وہ چادریں لیں اوراجتماع میں موجود عوام کے پاس جائیں،انہوں نے عوام سے اپیل کی کہ وہ ایک روپے، دو روپے، پانچ روپے، دس روپے یاجوبھی توفیق ہووہ اس چادرمیں ڈالیں تاکہ الیکشن کے اخراجات کے سلسلے میں مدد ہوسکے۔ اس پر کارکنان چادرلے کر لوگوں کے پاس گئے توحاظرین نے اس چادرمیں حسب توفیق عطیات ڈالے۔اس پر جناب الطاف حسین نے کہاکہ ایم کیوایم پرالزامات لگانے والے دیکھ لیں کہ یہ بھتہ خوری ہورہی ہے، منی لانڈرنگ ہورہی ہے۔یہ ایم کیوایم ہے اورایک فیملی کی طرح ہے ۔