شکست خوردہ سیاسی جماعت کی جانب سے بغیر این او سی کے فائیو اسٹار پر کیمپ لگایا گیا اور حیدری مارکیٹ میں منعقدہ ایم کیو ایم کے انتخابی جلسے میں آنے والے کارکنان و حق پرست عوام کو راستے میں بدترین تشدد کا نشانہ بنایا جن میں سے دو شدید زخمی ہیں۔ ریحان ہاشمی

کراچی ۔۔۔ 02؍ اپریل 2016ء

ڈسٹرکٹ سینٹرل کے نامزد حق پرست چیئرمین ریحان ہاشمی کا NA-245 کے نامزد حق پرست امیدوار محمد کمال اور رکن سندھ اسمبلی جمال احمدکے ہمراہ حیدری مارکیٹ نارتھ ناظم آباد میں ضمنی انتخابات کے سلسلے میں منعقدہ ایم کیو ایم کے انتخابی جلسے کے بعد پریس بریفینگ کے دوران کہا کہ آج ایک شکست خوردہ سیاسی جماعت کی جانب سے بغیر این او سی کے فائیو اسٹار پر کیمپ لگایا گیا اور حیدری مارکیٹ میں منعقدہ ایم کیو ایم کے انتخابی جلسے میں آنے والے کارکنان و حق پرست عوام کو راستے میں بدترین تشدد کا نشانہ بنایا جن میں سے دو شدید زخمی ہیں۔ انہوں نے کہا کہ پی ٹی آئی کے ایک رہنما عارف علوی آج صبح سے سوشل میڈیا پر دھمکی آمیز ٹوئیٹس کررہے تھے اور اپنے کارکنان کو تشدد پر اکسا رہے تھے۔ انہوں نے کہا کہ ان شرپسند عناصر کے بہکاوے میں نہ آئے کیونکہ ان کی کوشش ہے کہ اس الیکشن کو کسی طرح سبوتاز کیا جائے۔ انہوں نے کہا کہ جیسے ان لوگوں نے NA-246 میں اشتعال انگیزی پھلانے کی کوشش کی تھی اسی طرح وہ NA-245 میں اشتعال انگیزی پھیلانا چاہتے ہیں۔ انہوں نے کہا کہ جیسے انھیں NA-246 میں انھیں اپنی شکست صاف نظر آرہی تھی اسی طرح انھیں یہاں NA-245 میں بھی اپنی شکست نظر آرہی ہے۔ اس موقع پر انہوں نے الیکشن کمیشن پاکستان سمیت حکام بالا سے پرزور مطالبہ کیا کہ اس افسوسناک واقعے میں ملوث شرپسند عناصر کو جو الیکشن پروسیس میں جو رخنہ ڈالنے کی کوشش کرہے ہیں ان کے خلاف سخت سے سخت کاروائی کی جائے۔