جناب الطاف حسین کے بڑے بھائی ناصر حسین شہید کے داماد منظر حسین انصاری کا سوئم نائن زیرو عزیز آباد پر منعقد ہوا

کراچی ۔۔۔31، مارچ2016ء 

متحدہ قومی موومنٹ کے قائد جناب الطاف حسین کے بڑے بھائی ناصر حسین شہید کے داماد منظر حسین انصاری مرحوم کا سوئم ایم کیوایم کے مرکز نائن زیرو عزیز آباد پرمنعقد ہوا جس میں مرحوم کی روح کے ایصال ثواب کیلئے قرآن خوانی فاتحہ خوانی کی گئی ۔ سوئم کے اجتماع میں قائد تحریک جناب الطاف حسین کی ہمشیرہ محترمہ سائرہ خاتون، ایم کیوایم کی رابطہ کمیٹی کے اراکین شبیر قائم خانی ، اسلم آفریدی ، مطیع الرحمن ، اسماعیل قریشی ، عبد الحسیب ، محترمہ ریحانہ نسرین ، عارف خان ایڈووکیٹ ، امین الحق ، عادل خان ، قمر منصور ،جاوید کاظمی ، حق پرست اراکین قومی وصوبائی اسمبلی ، نامزد میئر کراچی وسیم اختر ، ڈپٹی میئر ارشد وہرا ، نومنتخب بلدیاتی چیئرمین ، نائب چیئرمین ، کونسلرز ، ایم کیوایم کے مختلف شعبہ جات کے اراکین اور مرحوم کے عزیز واقارب نے کثیر تعداد میں شرکت کی ۔ اس موقع پر رابطہ کمیٹی کے رکن عبد الحسیب نے منظر حسین انصاری مرحوم کی روح کے ایصال ثوا ب کیلئے اجتماعی دعا بھی کرائی ۔