نارتھ کراچی کی سینئر کارکن محترمہ شمس النساء کے انتقال پر جناب الطاف حسین کا اظہار افسوس

لندن۔ 31مارچ 2016ء 

متحدہ قومی موومنٹ کے قائد جناب الطاف حسین نے ایم کیوایم نارتھ کراچی یوسی 172کی سابقہ یونٹ انچارج محترمہ شمس النساء کے انتقال پر ان کی صاحبزادی محترمہ نجم السحر اوردیگر لواحقین سے دلی تعزیت کا اظہار کیا ہے۔ محترمہ شمس النساء کی صاحبزادی نجم السحر ایم کیوایم نارتھ امریکہ یونٹ کی سینئر کارکن ہیں اور امریکہ یونٹ کی مرکزی سینٹرل کمیٹی میں بھی خدمات انجام دے چکی ہیں ۔ ایک بیان میں جناب الطاف حسین نے مرحومہ کے تمام سوگوار لواحقین سے دلی تعزیت وہمدر دی کااظہار کرتے ہوئے کہا کہ دکھ کی اس گھڑی میں مجھ سمیت ایم کیوایم کے تمام کارکنا ن آپ کے غم میں برابر کے شریک ہیں ۔انہوں نے دعا کی کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ دے ۔