جناب الطاف حسین نے 32 سال قبل کرچی میں جو پودا لگایا تھا وہ آج ایک تنا ور درخت بن چکا ہے۔ افتخار رندھاوا

سڈنی ۔۔۔ 29؍ مارچ 2016ء

ایم کیوایم آسٹریلیا کی جانب سے ایم کیو ایم کے 32ویں یوم تاسیس اور یوم پاکستان کے سلسلے میں سالانہ تقریب کا انعقاد کیا گیا۔ تقریب میں آسٹریلیا کے مختلف شہروں سے ایم کیو ایم کے ذمہ داران، کارکنان، ہمدردوں اور حق پرست پاکستانی عوام نے بھرپور تعداد میں شرکت کی۔ اس موقع پر شرکاء سے خطاب کرتے ہوئے ایم کیو ایم کی سینٹرل ایگزیکٹیو کونسل کے رکن افتخار رندھاوا نے کہا کہ قائد تحریک جناب الطاف حسین نے 32 سال قبل کرچی میں جو پودا لگایا تھا وہ آج ایک تنا ور درخت بن چکا ہے۔ انہوں نے کہا کہ قائد تحریک جناب الطاف حسین کا فکر و فلسفہ نے ناصرف پاکستان کے 98 فیصد غریب و متوسط طبقے سے تعلق رکھنے والے افراد کو متاثر کیا بلکہ آسٹریلیا سمیت دنیا کے کئی ممالک میں مقیم پاکستانیوں تک بھی پہنچ چکا ہے۔ انہوں نے کہا کہ 1978ء میں جب قائد تحریک نے اے پی ایم ایس او کی بنیاد رکھی تب ہی سے قائد تحریک جناب الطاف حسین کی ذات کے خلاف بھرپور منفی پروپیگنڈوں کا آغاز کردیا گیا لیکن ماضی میں بھی ہم نے اپنے اتحاد کے ذریعے انہیں ناکام بنائے گے اور آج بھی اپنے اتحاد کے ذریعے انھیں ناکام بنائے گے۔ اس موقع پر ایم کیو ایم آسٹریلیا کے آرگنائزر افروز شاہین نے شرکاء سے گفتگو کرتے ہوئے کہا کہ قائد تحریک جناب الطاف حسین پاکستان کے واحد لیڈر ہیں جنہوں نے حقیقی معنوں میں پاکستان میں غریب و متوسط طبقے کی قیادت متعارف کرائی اور یہی وجہ ہے کہ ملک پاکستان پر قابض یہ 02 فیصد مراعات یافتہ طبقہ روز اول سے قائد تحریک سے خائف ہے اور ان کے خلاف طرح طرح کی سازشیں کرتا رہتا ہے لیکن قائد تحریک جناب الطاف حسین کا اپنے کارکنان اور عوام سے عقیدت و محبت کا جو رشتہ ہے اسے ختم کرنے میں ہمیشہ ناکام رہے ہیں اور انشاء اللہ اس بار بھی بری طرح ناکام ہونگے۔ تقریب کے اختتام پر ایم کیو ایم کے 32ویں یوم تاسیس کا کیک کاٹا اور قائد تحریک جناب الطاف حسین کی درازی عمر اور مکمل صحتیابی کے لئے خصوصی دعا بھی کی گئی۔