ایم کیو ایم رابطہ کمیٹی کے رکن شبیر احمد قائم خانی کی سربراہی میں وفد کی شیخ زید اور جناح ہسپتال میں سانحہ گلشن اقبال پارک کے زخمیوں کی عیادت

لاہور ۔۔۔ 28؍ مارچ 2016

متحدہ قومی موومنٹ کی رابطہ کمیٹی کے رکن شبیر احمد قائم خانی کی سربراہی میں ایم کیو ایم کے وفد نے شیخ زید اور جناح ہسپتال میں داخل سانحہ گلشن اقبال پارک کے زخمیوں کی عیادت کی اور قائد تحریک جناب الطاف حسین کی جانب سے پھولوں کے گلدستے پیش کئے اور انکی خیریت دریافت کی۔ ایم کیو ایم کے وفد میں صدر پنجاب و حق پرست سینیٹر میاں عتیق، سیکریٹری جنرل ملک وسیم کھوکھر، سینئر نائب صدر پنجاب عابد گجر ،نائب صدور ادریس جامی ، ندیم کھوکھر، فنانس سیکریٹری کاشف خورشید، جوائنٹ سیکریٹریزجاوید چیمہ، عنصر بٹر سیکریٹری انفارمیشن پنجاب خرم شہزاد رانا، سینٹرل پنجاب کے صدر سید شاہین انور گیلانی ، ضلعی صدر لاہور طاہر محمود حامد سمیت دیگر عہدیداران شامل تھے۔ ایم کیو ایم کے وفد نے دونوں ہسپتالوں میں داخل سانحہ گلشن اقبال پارک کے زخمیوں اور انکے لواحقین سے ملاقات کی اور ان سے طبی سہولیات کے حوالے سے دریافت کیا۔ اس موقع پر زخمیوں اور انکے لواحقین نے ایم کیو ایم کے وفد کی آمد پر ان کا شکریہ ادا کیا۔