متحدہ قومی موومنٹ کی 26 رکنی لاہور ضلعی کمیٹی کے ناموں کا اعلان
ایم کیو ایم پنجاب کے سیکریٹری جنرل ملک وسیم کھوکھر اور سینٹرل پنجاب کے صدر سید شاہین انور گیلانی نے ضلع لاہور کی تنظیم نو کا اعلان پنجاب ہاؤس لاہور میں منعقدہ جنرل ورکرز اجلاس میں کیا
میاں طاہر محمود صدر لاہور ڈسٹرکٹ، ندیم شوکت سینئر نائب صدر ، محمد عدنان سیکریٹری جنرل کے طور پر فرائض سرانجام دینگے
لاہور ۔۔۔ 24؍ مارچ 2016ء
متحدہ قومی موومنٹ سینٹرل پنجاب کے زیر اہتمام ایم کیو ایم پنجاب ہاؤس لاہور واقع نیو مسلم ٹاؤن لاہور میں جنرل ورکرز اجلاس منعقد کیا گیا۔ جس میں ایم کیو ایم پنجاب کے نائب صدر ادریس جامی، سیکریٹری جنرل ملک وسیم کھوکھر، فنانس سیکریٹری سید کاشف خورشید، جوائنٹ سیکریٹری جاوید چیمہ، سینٹرل پنجاب کے صدر سید شاہین انور گیلانی، نائب صدور میاں سرفراز عباس وٹو، الیاس خان طاہر ایڈووکیٹ اور حارث خان کاکٹر، سیکریٹری جنرل میاں راشد علی، جوائنٹ سیکریٹریز ناصر ولیم گل اور مرزا عمر عارف سمیت دیگر ذمہ داران و کارکنان نے بڑی تعداد میں شرکت کی۔ جنرل ورکرز اجلاس میں لاہور ضلع کی 26 رکنی کمیٹی کے ناموں کا اعلان کیا گیا۔ جس کے مطابق میاں طاہر محمود لاہور کے صدر جبکہ ندیم شوکت سینئر نائب صدر اور محمد عدنان بطور جنرل سیکریٹری اپنے تنظیم و تحریکی فرائض سرانجام دینگے جبکہ دیگر نو منتخب عہدیداران میں نائب صدور رئیس شاکر ، ارشاد حسین ، شوکت شاہ، محمد سعید اور رانا احسان ، جوائنٹ سیکریٹریز زاہد خان، شاہد تاج، عمر قادری ، سہیل اختر ممونکا ، اسلم پرویز و دیگر عہدیداران شامل ہیں۔