ہندو برادری کو ان کے مذہبی تہوار ’’ہولی‘‘ پر جناب الطاف حسین کی مبارکباد
لندن ۔۔۔ 23؍ مارچ 2016ء
متحدہ قومی موومنٹ کے قائد جناب الطاف حسین نے ہندو برادری کو ان کے مذہبی تہوار ’’ہولی ‘‘ کی مبارکباد پیش کی ہے ۔ ایک بیان میں جناب الطاف حسین نے کہاکہ ایک دوسرے کے مذہبی جذبات اور احساسات کا خیال رکھ کر ہی انسانیت کے احترام کو فروغ دیا جاسکتا ہے ۔ انہوں نے کہاکہ ایم کیوایم اقلیتی برادری کو برابر کا پاکستانی شہری تسلیم کرتی ہے اور ان کے جائز حقوق کی ہر سطح پر جدوجہد بھی کررہی ہے ، پاکستان میں ہندو برادری کا تہوار ہولی آج منایاجارہا ہے جس میں اپنی اور ایم کیوایم کے تمام ذمہ داران کی جانب سے دلی مبارکباد پیش کرتا ہوں ۔ جناب الطاف حسین نے ہندو برادری سے اپیل کی کہ وہ ہولی کے موقع پر اپنی عبادات میں پاکستان کی ترقی و خوشحالی ، دہشت گردی کے خاتمے اور امن و امان کے قیام کیلئے خصوصی دعا کریں ۔