متحدہ قومی موومنٹ کے سینئر ڈپٹی کنونیر ڈاکٹر فاروق ستار نے ایم کیو ایم کے 32ویں یوم تاسیس کے موقع پر پنڈال میں موجود عوام میں قرار داد پیش کی جسے عوام نے ہاتھ اٹھا کر منظور کی

کراچی ۔۔۔ 18؍ مارچ 2016ء

متحدہ قومی موومنٹ کے سینئر ڈپٹی کنونیر ڈاکٹر فاروق ستار نے ایم کیو ایم کے 32ویں یوم تاسیس کے موقع پر پنڈال میں موجود عوام میں قرار داد پیش کی جسے عوام نے ہاتھ اٹھا کر منظور کی۔ پیش کردہ قرارداد درج ذیل ہیں، قراردار نمبر 1: آج کا یہ پنڈال قائد تحریک جنا ب الطاف حسین کی تحریر و تقریر اور تصویر کو نشر و شائع کرنے پر عائد پابندی کو غیر آئینی اور غیر قانونی قرار دیتا ہے اور جناب الطاف حسین کے اظہار رائے پر عائد پابندی کی سخت ترین الفاظ میں مذمت کرتے ہیں اور مطالبہ کرتا ہے کہ آئین پاکستان کے تحت ہر شہری کو اظہار رائے کی آزادی دی جائے اور قائد تحریک جناب الطاف حسین پر عائد اظہار رائے کی پابندی کو فی الفور ختم کی جائے۔ قراردار نمبر 2: آج کا یہ پندال پاکستان کے ارباب اختیار و اقتدار سے مطالبہ کرتا ہے کہ پاکستان کی سلامتی و بقاء اور ترقی و خوشحالی کیلئے ملک بھ رمین 20 سے زائد مزید صوبے قائم کئے جائیں۔ قراردار نمبر3: آج کا پندال سندھ حکومت کی جانب سے منتخب بلدیاتی نمائندوں کے اختیارات سلب کرنے کی سخت تترین الفاظ میں مذمت کرتا ہے اور مطالبہ کرتا ہے کہ کراچی کی ترقی و خوشحالی اور عوام کے دیرینہ مسائل کے حل کیلئے منتخب بلدیاتی نمائندوں کو اختیارات دیئے جائیں اور عوامی نمائندوں کو خلقِ خدا کی خدمت کا موقع دیا جائے۔ قراردار نمبر 4: آج کا یہ پنڈال ایم کیو ایم کے 32ویں یوم تاسیس کے موقع پر قائد تحریک جناب الطاف حسین سے تجدید عہد وفا کرتا ہے اور قائد تحریک جناب الطاف حسین کو یقین دلاتا ہے کہ ایم کیو ایم کا ایک ایک سچا اور مخلص کارکن حق پرست شہداء کی قربانیوں کو رائیگاں نہیں جانے دے گا اور قائد تحرک جناب الطاف حسین کی قیادت میں حق پرستی کی جدوجہد جاری رکھے گا۔