ایم کیوایم کے سینئرکارکن اورسابق ٹاؤن ناظم لانڈھی اسماعیل قریشی کوتحریک کی مرکزی رابطہ کمیٹی میں شامل کرلیاگیا

کراچی۔۔ 15مارچ2016ء

متحدہ قومی موومنٹ کے سینئرکارکن اورسابق ٹاؤن ناظم لانڈھی اسماعیل قریشی کوتحریک کی مرکزی رابطہ کمیٹی میں شامل کرلیاگیاہے۔ ا س بات کافیصلہ رابطہ کمیٹی کے مشترکہ اجلاس میں کیاگیا۔اسماعیل قریشی غلط کام کرنے والوں کی بلاخوف و خطر نشاندہی کرتے تھے جس کے باعث ان کے حوالے سے شکایتوں کی ایک بڑی فائل رابطہ کمیٹی کو بھیجی گئی تھی ۔شکایات ملنے پر اسماعیل قریشی کو معطل کر دیا گیا تھااوریہ کہاگیا تھا کہ الزامات کی تحقیقات ہونے تک آپ گھر بیٹھیں ، آپ کو بعد میں بتا دیا جائے گا۔رابطہ کمیٹی نے اپنے ایک مشترکہ اجلاس میں اپنی طویل تحقیقاتی رپورٹ کو حتمی شکل دیتے ہوئے اپنے ایک متفقہ فیصلہ میں کہا ہے کہ اسماعیل ستارہ رکن رابطہ کمیٹی انتہائی ایماندار اور دیانتدار شخصیت کے حامل ہیں۔ وہ الحمداللہ طویل تحقیقات کے بعدر ابطہ کمیٹی نے دیکھا کہ الزام لگانے والے جھوٹے ہیں اور انہوں نے مکر وفریب کا عمل کیا ہے ۔ لہٰذا رابطہ کمیٹی نے متفقہ طور پر اسماعیل ستارہ کو دوبارہ رابطہ کمیٹی میں شامل کرنے کے لئے قائد تحریک جناب الطاف حسین سے سفارش کی ہے۔ قائد تحریک جناب الطاف حسین نے رابطہ کمیٹی کے فیصلے کی توثیق کرتے ہوئے اسماعیل ستارہ کو رابطہ کمیٹی میں شمولیت کی منظوری دے دی ہے۔..