سلمان تاثیر کے صاحبزادے شہبازتاثیر کی بازیابی پر انکے اہل خانہ کوایم کیوایم کے کنوینرندیم نصرت کی قائدتحریک کی جانب سے مبارکباد

لندن ۔۔۔ 8 مارچ 2016 ء

متحدہ قومی موومنٹ کی رابطہ کمیٹی کے کنوینرندیم نصرت نے سابق گورنرپنجاب سلمان تاثیر کے صاحبزادے شہبازتاثیر کی بازیابی پر انکے اہل خانہ کو قائدتحریک الطاف حسین کی جانب سے دلی مبارکباد پیش کی ہے ۔اپنے ایک بیان میں انہوں نے کہاکہ سلمان تاثیرکے بہیمانہ قتل کے بعد ان کے صاحبزادے شہباز تاثیر کے اغواکاواقعہ ان کے اہل خانہ پر دوسری بڑی قیامت تھی اوراس اذیت میں وہ تقریباً پانچ سال تک گزرتے رہے ۔خداکاشکرہے کہ بالآخر آج وہ بحفاظت بازیاب ہوگئے ہیں۔ ندیم نصرت نے حکومت اورقانون نافذ کرنے والے اداروں سے مطالبہ کیاہے کہ شہبازتاثیرکی طرح سابق وزیراعظم یوسف رضاگیلانی کے صاحبزادے حیدرگیلانی اوردیگرمغویوں کوبھی بازیاب کرایاجائے اوراغواکرنے والوں کے خلاف کارروائی کی جائے ۔