الطاف حسین کا چیپٹر کلوز کرنے والوں کو قدرت نے نشان عبرت بنا دیا ، یاسر اعوان ،صدر ایم کیو ایم اپر پنجاب

راولپنڈی ۔۔۔ 07؍ مارچ 2016ء

متحدہ قومی موومنٹ کی اپر پنجاب کے صدر یاسر اعوان اور اراکین کمیٹی نے مشترکہ بیان میں کہا ہے کہ قائد تحریک الطاف حسین پاکستان بھر کی مظلوم عوام کے متفقہ قائد ہیں اور جو لوگ ان کی ذات ا ورایم کیوا یم کے خلاف سازشیں کر رہے ہیں ا ن کو ناکامی کا منہ دیکھنا پڑے گا ، ہم قائد تحریک الطا ف حسین بھائی کے مشن کو ضرور پایہ تکمیل تک پہنچائیں گے کیونکہ قائد تحریک کا مشن پاکستان کو مضبوط اور مستحکم کرنے کے ساتھ ساتھ اس ملک کے غریب اور متوسط طبقے کو ان کے حقوق دلانے کا مشن بھی ہے۔انہوں نے کہا کہ متحدہ قومی موومنٹ کے قیام سے ہی جناب الطاف حسین اور ایم کیو ایم کے خلاف سازشیں کی جارہی ہیں اور اس مرتبہ بھی نادیدہ قوتیں پرانی فلم کو نئے ضمیر فروش اداکاروں کے ذریعے میڈیا کے سامنے پیش کر رہی ہیں لیکن کارکنان اور حق پرست عوام آج بھی قائد تحریک الطاف حسین کو اپنانجات دہندہ مانتے ہیں اورمائنس الطاف حسین فارمولے کو مسترد کر چکے ہیں ۔انہوں نے کہا کہ الطاف حسین کا چیپٹر کلوز کرنے کی گھناؤنی کاوشیں کرنے والوں کو قدرت نے نشانِ عبرت بنا دیااور اب والوں کا حال بھی جلد عوام کے سامنے ہو گا جب یہ دُم دبا کر اپنا بوریا بستر لپیٹ کر ملک سے رفو چکر ہو جائیں گے۔ انہوں نے ایم کیوایم کے ذمہ داران اور کارکنان پر زور دیا کہ وہ ایم کیوایم کیخلاف کی جانیوالی تمام سازشوں کا مقابل کرنے کیلئے خود کو ذہنی و جسمانی طور پر تیار کرلیں ،گلی گلی ، محلہ محلہ جاکر تحریک کے پیغام کو عام کریں ،نظم و ضبط کی پانبدی کا خاص خیال رکھیں ، خود کو غیر اخلاقی ، غیرتنظیمی سرگرمیوں سے دور رکھیں اور تحریک کیلئے خود کو ایک اچھا اثاثہ ثابت کریں۔