پرانا پنجرہ نئے کبوتروں کے ساتھ میڈیا کے سامنے پیش کر کے قائد تحریک الطا ف حسین کیخلاف منفی پروپیگنڈہ کیا جار ہا ہے ، انچارج نوید شمسی و اراکین زونل کمیٹی

حیدرآباد۔۔۔04 ،مارچ،2016 ء

ایم کیو ایم حیدرآباد کے زونل انچارج نوید شمسی و اراکین زونل کمیٹی نے اپنے مشترکہ بیان میں کہا ہے کہ کارکنان اور حق پرست عوام بخوبی جانتے ہیں کہ پرانا پنجرہ اور نئے کبوتروں کو میڈیا کے سامنے پیش کر کے ایک بار پھر قائدِ تحریک جناب الطا ف حسین کیخلاف منفی پروپیگنڈہ کیا جار ہا ہے لیکن کارکنان و حق پرست عوام قائدِ تحریک الطاف حسین کی قیادت میں متحد ہو کر اس گھناؤنی سازش کو بھی ناکام بنا دیں گے۔ انہوں نے کہا کہ قائدِ تحریک الطاف حسین کو مائنس کر کے ایک بار پھر ایم کیوا یم کو تقسیم کرنے کی جو گھناؤنی سازش کی جارہی ہے انشاء اللہ جلد ہی اپنے منطقی انجام کو پہنچے گی ۔ انہوں نے کہا کہ کارکنان اور حق پرست عوام جانتے ہیں کہ قائدِ تحریک الطاف حسین حق پرستی کا سورج ہیں جو بلاتفریق اپنی روشنی ہر جانب بکھیر رہا ہے جس کی بدولت مظلوم عوام باشعور ہو رہی ہے اورحق پرستی کے سورج کو باطل قوتیں ماند نہیں کر سکتیں اور جو باطل قوتیں بھی اس سورج کے سامنے آئیں گی جلد ہی ماند پڑ جائیں گی۔انہوں نے کہا کہ کارکنان اور حق پرست عوام آج بھی قائد تحریک الطاف حسین کو اپنانجات دہندہ مانتے ہیں اور مائنس الطاف حسین فارمولے کو مسترد کر چکے ہیں جو کہ انشااللہ آنے والا وقت ثابت کر دے گا۔انہوں نے کہا کہ الطاف حسین کا چیپٹر کلوز کرنے کی گھناؤنی کاوشیں کرنے والوں کو قدرت نے نشانِ عبرت بنا دیا نئے کبوتروں کو اس سے سبق سیکھ کر اللہ تعالی سے اپنے گناہوں کی معافی مانگنا چاہئیے ۔