آل پاکستان متحدہ ا سٹوڈنٹس آرگنائزیشن کے تحت "چوتھا شہدائے حق کرکٹ ٹورنامنٹ"کا افتتاح کردیا گیا
ٹورنامنٹ کاافتتاح نامزدحق پرست ڈپٹی میئرکراچی ارشدوہرانے کیا،ٹورنامنٹ میں32کالجزکی ٹیمیں حصہ لے رہی ہیں
کراچی۔۔۔3؍مارچ2016ء
آل پاکستان متحدہ ا سٹوڈنٹس آرگنائزیشن کے تحت "چوتھا شہدائے حق کرکٹ ٹورنامنٹ"کا افتتاح کردیا گیاہے۔ٹورنامنٹ کا افتتاح جمعرات کے روز نامزد حق پرست ڈپٹی میئرکراچی ارشد وہرا نے کیا۔ اس موقع پر حق پرست رکن قو می اسمبلی اقبا ل محمد علی بھی ان کے ہمر اہ تھے۔ آل پاکستان متحدہ اسٹوڈنٹس آرگنائزیشن کے زیراہتمام راشد لطیف کرکٹ اکیڈمی، گلبرگ بلاک نمبر 13فیڈرل بی ایریا کراچی میں ’’چوتھا شہدائے حق کرکٹ ٹورنامنٹ‘‘ میں32سے زائد کا لجز کی ٹیمیں حصہ لیں رہی ہیں اور یہ ٹورنا منٹ ایک ہفتہ تک جاری رہے گا ۔ چوتھا شہدائے حق کرکٹ ٹورنامنٹ کی افتتاحی تقریب سے خطاب کرتے ہو ے نامزد ڈپٹی میئرکراچی ارشد وہرا نے آل پاکستان متحدہ اسٹوڈنٹس آرگنائزیشن کو ٹورنامنٹ کے انعقا دپر مبارک باد دی اور کہا کہ اسی طرح کے پرورگراموں سے شہر قائد کے نوجوانوں میں کھیلوں کو فروغ ملے گا اور کھیل سے متعلق سرگرمیاں بڑھیں گے جس سے محنتی اور با صلاحیت کھلاڑی سامنے آئیں گے جو آگے چل کر اپنی صلاحیتوں اور ٹیلنٹ کی بدولت قومی کرکٹ ٹیم کا حصہ بن کر ملک و قوم کا نام روشن کریں گے ۔انہوں نے کہاکہ اے پی ایم ایس او نے نصابی اور غیر نصابی سرگرمیوں کیلئے ذریعے ہمیشہ نوجوانوں میں شعور بیدار کیا ہے۔