روزنامہ اوصاف ملک بھر کے متوسط طبقے کے لوگوں کی آواز بلند کرتا رہے گا اورخصوصا کراچی کےمسائل کو اجاگر کرنے میں اپنا احسن کردار ادا کرے گا۔ڈاکٹر فاروق ستار
ایم کیوایم کے مرکز آکر بے حد خوشی محسوس کر رہے ہیں کیوں کہ ملک میں بہت کم سیاسی جماعتیں ایسی ہیں جن کا میڈیا کے ساتھ تعلق اتنا منظم اور کارکنان اتنے متحرک ہیں۔محسن بلال
روزنامہ اوصاف کے گروپ ایڈیٹرمحسن بلال اور وفد کی ایم کیوایم کے مرکز آمدپر مشکور ہیں۔امین الحق
روزنامہ اوصاف کے گروپ ایڈیٹرمحسن بلال کی سربراہی میں ایک وفدکی سپریم کورنسل کے رکن اوررابطہ کمیٹی کے ڈپٹی کنوینر ڈاکٹر فاروق ستار اور رکن رابطہ کمیٹی امین الحق سے ملاقات
کراچی ۔۔۔ 02؍ مارچ 2016ء
روزنامہ اوصاف کے گروپ ایڈیٹرمحسن بلال کی سربراہی میں ایک وفد کے ارکان نے خورشید بیگم سیکریٹریٹ عزیزآباد میں ایم کیوایم رابطہ کمیٹی کے سینئر ڈپٹی کنوینر ڈاکٹر فاروق ستار اور رکن رابطہ کمیٹی امین الحق سے ملاقات کی ۔اس موقع پر ڈاکٹر فاروق ستار نے انہیں خوش آمدید کہا اور لندن اور ملک کے دیگر شہروں کی طرح اب کراچی سے روزنامہ اوصاف کے باقاعدہ اجراء پر روزنامہ اوصاف کی ٹیم کو مبارکباد پیش کرتے ہوئے کہا کہ شعبہ صحافت میں روزنامہ اوصاف ایک اچھا اضافہ ہے جوکہ عوامی مسائل کے ساتھ ساتھ صحافی برادری کے حقوق کے لئے بھی اپنی صحافتی ذمہ داریاں پوری کرتا رہے گا۔ انہوں نے امید ظاہرکی کہ روزنامہ اوصاف ملک بھر کے متوسط طبقے کے لوگوں کی آواز بلند کرتا رہے گا اورخصوصا کراچی کے مسائل کو اجاگر کرنے میں اپنا احسن کردار ادا کرے گا۔روزنامہ اوصاف کے گروپ ایڈیٹرمحسن بلال نے اپنے روزنامے کے لئے جناب الطاف حسین کے خصوصی پیغام پر ان کا شکریہ ادا کرتے ہوئے کہا کہ وہ آج ایم کیوایم کے مرکز آکر بے حد خوشی محسوس کر رہے ہیں کیوں کہ ملک میں بہت کم سیاسی جماعتیں ایسی ہیں جن کا میڈیا کے ساتھ تعلق اتنا منظم اور کارکنان اتنے متحرک ہیں ۔ اس موقع پر رکن رابطہ کمیٹی امین الحق نے روزنامہ اوصاف کے گروپ ایڈیٹرمحسن بلال اور وفد کاان کی آمد پر شکریہ ادا کیا ۔