حق پرست نمائندوں نے حیدرآباد شاہی بازار چندی رحمانی سمیت دیگر علاقوں میں پانی کا دیرینہ مسئلہ حل کردیا

حیدرآباد ۔۔ 28فروری 2016ء 

حق پرست نمائندوں کی انتھک محنت اور کاوشوں سے حیدرآباد شاہی بازار چندی رحمانی،پشوری محلہ سمیت دیگر علاقوں میں پانی کا دیرینہ مسئلہ حل ہوگیا ہے اور اب ان علاقوں میں پینے کے صاف پانی کی سپلائی باقاعدہ شروع ہوچکی ہے ۔ پانی سے متاثرہ علاقوں کے عوام نے ایم کیوایم کے قائد الطاف حسین اور رابطہ سے اظہار تشکر کرتے ہوئے کہا ہے کہ ایم کیوایم نے ایسے لوگوں کو عوامی نمائندہ بنایا ہے جو حقیقت میں عوام کی خدمت کا جذبہ رکھتے ہیں، خصوصاً حیدرآباد چندی رحمانی شاہی بازار ،پشوری محلہ اور اس سے ملحقہ علاقوں کے عوام کئی برسوں سے پانی جیسی بنیادی ضرورت سے محروم تھے مگر حق پرست عوامی نمائندوں نے ان علاقوں کے عوام کا پانی کا دیرانہ مسئلہ حل کر کے گھر گھر پانی کی فراہمی کو یقینی بنادیا ہے۔ جس پر حیدرآباد کے عوام قائد تحریک الطاف حسین ، ایم کیوایم رابطہ کمیٹی، حیدر آباد زون کے انچارج واراکین، حق پرست ارکان قومی وصوبائی اسمبلی اور بلدیاتی نمائندوں کے شکرگزار ہیں، خصوصاً متحدہ قومی موومٹ کے قائد جناب الطاف حسین کے بے حد مشکور ومنمون ہیں جنہوں نے اپنے کارکنان کی تربیت عوامی خدمت کیلئے کی ہے جس کا ثبوت آج حیدر آباد میں متاثرہ علاقوں میں پانی کی فراہمی ہے ۔