ساکنانِ شہر قائد عالمی مشاعرہ کے انعقاد کے کنونیر اظہر عباس ہاشمی کے انتقال پر الطاف حسین کا اظہار تعزیت
ساکنانِ شہر قائد عالمی مشاعرہ کے انعقاد کے ذریعے مرحوم نے شہر کی رونقیں بحال رکھیں، الطاف حسین
مرحوم نے لوگوں کے رجحان کوادب و شاعری اور علم کی جانب مائل کرنے کیلئے قابل ذکر کام انجام دیئے جس پر مرحوم زبردست خراج عقیدت کے مستحق ہیں، جناب الطاف حسین
اظہر عباس ہاشمی مرحوم کے تمام سوگوار لواحقین اور چاہنے والوں سے جناب الطاف حسین کا دلی تعزیت وہمدردی کااظہار
لندن ۔۔۔ 28؍ فروری 2016ء
متحدہ قومی موومنٹ کے قائد جناب الطاف حسین نے ’’ساکنان شہر قائد عالمی مشاعرہ ‘‘ کے انعقاد کے کنوینر اظہر عباس ہاشمی کے انتقال پر گہرے دکھ اور افسوس کااظہار کیا ہے ۔ ایک تعزیتی بیان میں جناب الطاف حسین نے کہاکہ اظہر عباس ہاشمی نے ساکنان شہر قائد عالمی مشاعرہ کے انعقاد کے ذریعے نہ صرف شہر کی رونقیں بحال رکھیں بلکہ مرحوم نے لوگوں کے رجحان کوادب و شاعری اور علم کی جانب مائل کرنے کیلئے قابل ذکر کام انجام دیئے جس پر مرحوم زبردست خراج عقیدت کے مستحق ہیں ۔ جناب الطاف حسین نے اظہر عباس ہاشمی کے انتقال پر مرحوم کے سوگوار لواحقین سمیت مرحوم کے چاہنے والوں سے دلی تعزیت وہمدردی کااظہار کرتے ہوئے کہاکہ مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔جناب الطاف حسین نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے ۔ (آمین)