جناب الطاف حسین کی میڈیا پر تقریر ، تصویر اور بیانات کی اشاعت ور نشر کرنے پر عائد پابندی کے خلاف ایم کیوایم کے تحت کراچی پریس کلب کے باہر علامتی بھوک ہڑتال دوسرے روز بھی شروع کردی گئی
دوسرے روز علامتی بھوک ہڑتال کا آغاز ایم کیوایم کی رابطہ کمیٹی کے ارکان عبد الحسیب ، محمد حسین ، اقبال مقدم ، گلفراز خان خٹک ، محترمہ ریحانہ نسرین ، عارف خان ، حق پرست اراکین قومی وصوبائی اسمبلی ، یوسی چیئرمین ، وائس چیئرمین اور کارکنان نے کراچی پریس کلب کے باہر بھوک ہڑتالی کیمپ میں صبح 11بجے بیٹھ کر کیا
بھوک ہڑتالی کیمپ کے شرکاء نے اپنے منہ پر پتیاں پہن رکھی تھی جن پر سلے ہوئے ہونٹ بنے ہوئے جبکہ اسی پٹی پر ’’قائد تحریک جناب الطا ف حسین کی زباں بندی ، نامنظور نامنظور ‘‘ کامطالبہ جلی حروف میں تحریر تھا
بھوک ہڑتالی کیمپ کے شرکاء جب بھوک ہڑتال پر بیٹھ رہے تھے تو انہوں نے جناب الطا ف حسین کے حق میں فلک شگاف
نعرے لگائے اور ان سے مکمل یکجہتی کااظہار کیا
کراچی ۔۔۔20، فروری 2016ء