جناب الطاف حسین کے میڈیا بلیک آؤٹ کے خلاف نیویارک میں اقوام متحدہ کے ہیڈ کوارٹر کے سامنے علامتی بھوک ہڑتال

لندن۔۔20فروری2016ء

قائد تحریک جناب الطاف حسین کی تقاریر و تصاویر کی نشر و اشاعت پر غیر آئینی اور غیر قانونی پابندی کے خلاف متحدہ قومی موومنٹ کی احتجاجی مہم پاکستان کے ساتھ ساتھ پوری دنیا میں انتہائی شد و مدکے ساتھ جاری ہے ۔ اس سلسلے میں گزشتہ روز امریکہ کے شہر نیویارک میں اقوام متحدہ کے ہیڈ کوارٹر کے سامنے ایم کیو ایم یو ایس اے نیویارک چیپٹر نے احتجاجی مظاہرہ اور علامتی بھوک ہڑتال کی۔ بھوک ہڑتال میں مرد و خواتین کے ساتھ ساتھ بچوں نے بھی بڑی تعداد میں شرکت کی۔ مظاہرین ، جناب الطاف حسین کے اظہار رائے پر عائدغیر جمہوری و غیر آئینی پابندی کے خلاف انتہائی جوش و خروش کے ساتھ نعرے لگاتے رہے اور جناب الطاف حسین سے والہانہ عقیدت و محبت اظہار کرتے رہے۔ مظاہرین نے مطالبہ کیا کہ جناب الطاف حسین کی تقاریر و تصاویر پر عائد پابندی فی الفور ختم کی جائے اور جناب الطاف حسین کے کروڑوں چاہنے والوں میں پائی جانے والی بے چینی کا خاتمہ کیا جائے۔ اس موقع پربین الاقوامی سفارتی نمائندوں کو ہنڈبلز اور پٹیشن کی کاپی بھی دی گئی۔