متحدہ قومی موومٹ کی رابطہ کمیٹی کے ڈپٹی کنوینر کہف الوریٰ اراکین رابطہ کمیٹی اور دیگر کے ہمراہ کراچی پریس کلب کا دورہ
ایم کیو ایم کے زیر اہتمام مورخہ 19؍ فروری 2016ء تا 22؍ فروری 2016ء تک ہونے والے علامتی بھوک ہڑتال کے سلسلے میں انتظامات کا جائزہ لیا
کہف الوریٰ کا کراچی پریس کلب کے باہر ہونے والے علامتی بھوک ہڑتال کے تیاریوں میں مصروف کارکنان سے ملاقات بھی کی
کراچی:۔۔18؍ فروری 2016ء
متحدہ قومی موومنٹ کی رابطہ کمیٹی کے ڈپٹی کنوینر کہف الوریٰ نے اراکین رابطہ کمیٹی امین الحق ، عادل خان ،ارشد حسن ،کمال ملک اور سی ای سی کے انچارج فرقان اطیب و دیگر ذمہ داران کے ہمراہ جمعرات کی رات کراچی پریس کلب کا دورہ کیااور ایم کیو ایم کے زیر اہتمام مورخہ 19؍ فروری 2016ء تا 22؍ فروری2016ء صبح 11بجے سے رات 11بجے تک کراچی پریس پرمتحدہ قومی موومنٹ کے قائد جناب الطاف حسین کی تقریر ، تصویر اور بیانات پر عائد پابندی کے خلاف کراچی پریس کلب کے باہر 4روزہ علامتی بھوک ہڑتال کے سلسلے میں ہونے والی تیاریوں کا جائزہ لیا اور اطمینان کا اظہار کیا ۔ اس موقع پر کہف الوریٰ نے انتظامات پر مامور کارکنان سے ملاقات بھی کی ۔