پورٹ قاسم موڑ کے قریب وین الٹنے کے المناک حادثہ میں متعدد افراد کے زخمی ہونے پر ایم کیوایم رابطہ کمیٹی کااظہار افسوس

کراچی ۔۔۔18، فروری 2016ء 

متحدہ قومی موومنٹ کی رابطہ کمیٹی نے پورٹ قاسم موڑ کے قریب وین الٹنے کے المناک حادثہ میں متعدد افراد کے زخمی ہونے پر گہرے دکھ اور افسوس کااظہار کیا ہے ۔ ایک بیان میں رابطہ کمیٹی نے کہا کہ ٹریفک قوانین کی خلاف ورزی اور تیز رفتار ی ہولناک ٹریفک حادثات کا سبب بنتی ہے اور ان حادثات کی روک تھام کیلئے حکومت سندھ اور ٹریفک پولیس کا ٹریفک نظام کی بہتری کیلئے اقدامات بروئے کار لانا بنیادی فرض ہے تاکہ قیمتی انسانی جانوں کے ضیاع کو تحفظ فراہم کیاجاسکے ۔ رابطہ کمیٹی نے وین الٹنے کے المناک حادثہ میں شدیدزخمی ہونے والے افراد سے دلی ہمدردی کااظہار کیا اور ان کی جلد ومکمل صحت یابی کیلئے اللہ تعالیٰ کے حضور خصوصی دعا بھی کی ۔