گہوارہ ادب کینیڈا شعبہ خواتین کے زیر اہتمام کیلگری میں پرنور محفل ذکر مصطفیﷺ کا انعقاد

کیلگری ۔۔16؍ فروری 2016ء

گہوارہ ادب کینیڈا کیلگری شعبہ خواتین کی جانب پاکستان ہاوس واقع نارتھ ایسٹ میں شا یان شان محفل ذکر مصطفی ﷺ کا انعقاد کیا گیا جسمیں خواتین کی ایک بڑی تعداد نے شرکت کی ۔خواتین مقررین نے ٓآپ ﷺ کی حیات طیبہ پر علم افروز بیا نات کئے جبکہ عشاق رسول ﷺ خواتین نے آپ ﷺ کی شان اقدس میں اپنی خوبصورت آوازاور اندازمیں گلہائے عقیدت پیش کیا۔پروگرام کے دوران ہال نعرہ تکبیر ا ﷲ اکبر ‘ نعرہ رسالت یا رسول اﷲ ﷺ اور نعرہ حیدری یا علی کے نعروں سے گونجتا رہا۔ گہوارہ ادب کیلگری شعبہ خواتین کی جانب سے ہال اور اسٹیج کو برقی قمقوں‘ پھولوں اوردیگرسجاوٹی چیزوں سے انتہائی خوبصورتی کے ساتھ سجایا گیا تھا۔ پروگرام کے دوران شرکاء میں عطریات اور پھولوں کی کلیاں بھی پیش کی گئیں۔پروگرام کا اختتام رقت آمیز دعا اور آپ ﷺ کی شان اقدس میں سلام پر ہوا۔اس موقع پر متحدہ قومی موومنٹ کے قائدجناب الطاف حسین کی درازی عمر ، اچھی صحت اور حفاظت کے لئے خصوصی دعائیں بھی کی گئیں۔آنے والے تمام مہمانوں کی تواصع انوع و اقسام کے کھانوں ‘ مشروبات اور چائے سے کی گئی۔